វីរបុរសក្រុមកាំភ្លើងធំ Arsenal លោក Paul Merson បានអះអាងថា Liverpool និង Chelsea មានឱកាសល្អក្នុងការឈ្នះពានរង្វាន់ UEFA Champions League នៅរដូវកាលនេះ។ លោកបានអះអាងបែបនេះបន្ទាប់ពីការប៉ះទង្គិចគ្នារបស់ក្រុមទាំងពីរក្នុងវគ្គផ្តាច់ព្រ័ត្រ Carabao Cup កាលពីថ្ងៃអាទិត្យ។
Liverpool បានយកឈ្នះលើក្រុមតោខៀវក្នុងលទ្ធផល ១១-១០ លើការស៊ុតបាល់ប៉េណាល់ទី ហើយវាជារឿងគួរឱ្យចាប់អារម្មណ៍រវាងក្លឹបយក្ស Premier League ទាំងពីរ។ ការបង្ហាញទម្រង់លេងរបស់ក្រុមទាំងពីរ ទទួលបានការសរសើរយ៉ាងខ្លាំងបន្ទាប់ពីការប្រកួតនេះ។
Merson ជឿជាក់ថាទម្រង់លេងដែលបង្ហាញខ្លួនក្នុងការប្រកួតវគ្គផ្តាច់ព្រ័ត្រកាលពីថ្ងៃអាទិត្យរវាងភាគីទាំងពីរ នឹងធ្វើបានល្អសម្រាប់ការប្រកួតរបស់ពួកគេនៅ Champions League។
Merson ថ្លែងទៅកាន់ Sky Sports ថា៖ «ក្រុមទាំងពីរខិតកាន់តែជិតពានរង្វាន់ UEFA Champions League។ ពួកគេមានខ្សែការពារពីរល្អបំផុតនៅអឺរ៉ុប ហើយប្រសិនបើអ្នកចង់ឈ្នះការប្រកួតបាល់ទាត់ (UCL) លើពីរជើង អ្នកត្រូវរក្សា Clean Sheet »៕
