ក្រុមយក្សនៅ Premier League គ្រោងនឹងពង្រឹងតំបន់ការពារស្តាំរបស់ពួកគេនៅរដូវក្តៅនេះ។ យោងតាម Fichajes បានឲ្យដឹងថា Manchester United កំពុងតាមដានយ៉ាងយកចិត្តទុកដាក់លើកីឡាកររបស់ក្លឹប RB Leipzig ។
Nordi Mukiele បានឆក់យកបេះដូងលោក Ralf Rangnick។ អ្នកចាត់ការបណ្តោះអាសន្នសញ្ជាតិអាឡឺម៉ង់រូបនេះ ចង់នាំយកកីឡាករវ័យ ២៤ ឆ្នាំដែលបានបង្ហាញខ្លួនជិត ១៥០ ដងសម្រាប់ Leipzig មកកាន់ Old Trafford ។
Rangnick ត្រូវបានទាក់ទាញចំណាប់អារម្មណ៍ជាពិសេស ដោយភាពប៉ិនប្រសប់របស់ Mukiele ដោយសារតែកីឡាករសញ្ជាតិបារាំងរូបនេះ អាចលេងបានក្នុងមុខតំណែងជាច្រើននៅក្នុងតំបន់ខាងក្រោយ។ កីឡាករវ័យ ២៤ ឆ្នាំអាចជាអ្នកជំនួសតំណែងកីឡាករ Aaron Wan-Bissaka ដែលត្រូវបានផ្សារភ្ជាប់ជាមួយនឹងការចាកចេញពី Old Trafford នៅរដូវក្តៅនេះ។
ទោះជាយ៉ាងណាក៏ដោយ Mukiele ត្រូវបានគេវាយតម្លៃខ្ពស់ដោយក្រុមនៅ Bundesliga ហើយត្រូវបានគេរំពឹងថានឹងធ្វើឱ្យ Man Utd ខាតបង់ឡើយ៕
