ក្លិបបិសាចក្រហម Manchester United ត្រូវបានគេរាយការណ៍ថា បានសុខចិត្តអនុញ្ញាតឱ្យ Cristiano Ronaldo ចាកចេញពីក្លឹបនៅរដូវក្តៅនេះ ប្រសិនបើគេសម្រេចចិត្តជំរុញការចាកចេញពីកីឡដ្ឋាន Old Trafford ។
ខ្សែប្រយុទ្ធសញ្ជាតិព័រទុយហ្គាល់វ័យ ៣៧ ឆ្នាំរូបនេះ មានទម្រង់លេងដ៏គួរឱ្យចាប់អារម្មណ៍ សម្រាប់បិសាចក្រហម ក្នុងអំឡុងរដូវកាល ២០២១-២២ ដោយស៊ុតបញ្ចូលទីបាន ១៥ គ្រាប់ក្នុងការបង្ហាញខ្លួន ២៧ ប្រកួត ។
Ronaldo មានកិច្ចសន្យានៅ Old Trafford រហូតដល់ខែមិថុនា ឆ្នាំ ២០២៣ ជាមួយនឹងជម្រើសបន្តមួយឆ្នាំទៀត ដែលមានប្រាក់ពលកម្ម ៤៨០,០០០ ផោនក្នុងមួយសប្តាហ៍ កាលពីរដូវក្តៅមុន ក្រោយផ្ទេរក្លឹបពី Juventus ដែលធ្វើឱ្យគេក្លាយជាកីឡាករ ដែលមានប្រាក់ខែខ្ពស់បំផុតនៅ Premier League ។
របាយការណ៍ថ្មីៗនេះ ក៏បានអះអាងផងដែរថា CR7 កំពុងជួបរឿងលំបាកនៅក្របខ័ណ្ឌ Premier League នៅរដូវកាលនេះ ដែលអាចនាំឱ្យគេចង់ចាកចេញនៅរដូវក្តៅនេះ ប្រសិនបើក្លឹបខកខានមិនបានចូលលេង Champions League នៅរដូវកាលក្រោយ ៕
