ជាការពិតណាស់ នៅលើអាវ បស់ Ferran Torres នៅ ង់ ២ កំឡុងការប្រកួតទល់ក្លឹប Napoli មិនប្រទះឃើញមាន Logo នៃក្លឹប Barcelona និងក្រុមហ៊ុន Nike នោះទេ ដោយអ្នកគាំទ្របានចាប់អារម្មណ៍ខ្លាំង ពេលគេស៊ុតប៉េណាល់ទីចូលហើយរត់មកអបអរ នៅចំពីមុខកាមេរ៉ា។
មតិខ្លះមានការងឿងឆ្ងល់ថា ដោយសារមកពីកិច្ចព្រមព្រៀងរវាងភាគីក្លឹបចាស់ ឬមកពីហេតុផលចាក់ដោតណាមួយ បើតាមការឲ្យដឹងថាពីសារព័ត៌មាន AS មូលហេតុអាវរបស់កីឡាករអេស្ប៉ាញ មានសភាពខុសពីកីឡាករដទៃនេះ គឺដោយសារកំហុសបច្ចេកទេស អ្នករៀបចំឈុតសម្រាប់កីឡាករ។
ជាទូទៅកីឡាកររមែងប្តូរឈុតរៀងរាល់ពេលសម្រាក ១៥ នាទីក្រោយចប់តង់ទី ១ ហើយសម្រាប់ Torres ឈុតរបស់គេគឺមានការខ្វះខាតផ្នែក Logo នៃក្លឹប Barcelona និងក្រុមហ៊ុន Nike តាំងតែពីដំបូងមកម្ល៉េះ ពោលដោយសារខាងរោងចក្រផ្គត់ផ្គង់មិនបានពិនិត្យបានល្អ។ លុះមកដល់ដៃអ្នករៀបឈុតប្រចាំក្លឹប ក៏មើលរំលងថែមទៀត ហើយកីឡាករមានពេលឯណាទៅចាប់អារម្មណ៍ ទើបពាក់វាមកដោយអត់ Logo តែម្តងទៅ។
យ៉ាងណាមិញ នេះមិនមែនជាហេតុផលពិសេសអ្វីទេសម្រាប់ Torres ពោលគឺត្រឹមជាកំហុសរបស់អ្នករៀបចំឈុតនៃក្លឹបតែប៉ុណ្ណោះ។ បញ្ជាក់ពីស្ថិតិរបស់កីឡាករ វ័យ ២១ឆ្នាំបន្តិច ជាមួយអ្នកមានបុណ្យ គេបង្ហាញខ្លួនសរុប ៦ ប្រកួតរកបាន ២ គ្រាប់ និង Assist ២ លើក៕
