ពិតណាស់ក្លិបមាន់ខ្នាយមាស់ Tottenham Hotspur រដូវកាលនេះបានត្រឹមតែលេងនៅ UEFA Europa Conference League ហើយពាក់ព័ន្ធនឹងពាន Champions League លោក Antonio Conte ក៏បានបង្ហាញការយល់ឃើញដល់ឈ្មោះក្រុមរួមលីគមួយ ដែលសង្ឃឹមខ្ពស់បំផុត នឹងក្លាយជាម្ចាស់ជើងឯក។
នោះ គឺ Manchester City ដែលនៅវគ្គ ១៦ ក្រុមជើងទី ១ ទល់ក្លឹប Sporting CP ពួកគេបានយកឈ្នះយ៉ាងចាស់ដៃក្រោមលទ្ធផល ៥-០។ លទ្ធផលនេះល្មមនឹងឲ្យក្រុមលោក Pep Guardiola សង្ឃឹមដល់ ៩៥ ភាគរយហើយថានឹងអាចបន្តទៅវគ្គ ១/៤ ផ្តាច់ព្រ័ត្រ។
នៅក្នុងបទសម្ភាសន៍ជាមួយ beIN Sport គ្រូសញ្ជាតិអ៊ីតាលីរូបនេះបានលើកឡើងយ៉ាងដូច្នោះថា៖ «ខ្ញុំគិតថាយើងកំពុងតែនិយាយអំពីអ្នកចាត់ការល្អបំផុតក្នុងលោក ព្រោះគាត់បានបង្ហាញមកនៅក្រុមជាច្រើន និងស្ថានភាពផ្សេងពីគ្នា ព្រោះអីមិនថាពេលនៅ Barcelona, Bayern Munich, Man City ក្លឹបទាំងអស់សុទ្ធតែចង់វិនិយោគជាមួយគាត់ ហើយ Pep ក៏បានសងការជឿជាក់នោះមកវិញ»។
លោក onte បន្ត៖ «ខ្ញុំគិតថាគ្រប់អ្វីដែល Pep Guardiola ធ្វើពេលនេះ គាត់គឺជាអ្នកចាត់ការល្អបំផុតក្នុងលោក ហើយសម្រាប់ក្លឹប Man City គឺពួកគេសង្ឃឹមនឹងលើកពានលីគរដូវកាលនេះ ក៏ដូចគ្នាទៅនឹងពាន Champions League ព្រោះនេះយើងកំពុងនិយាយអំពីក្រុមដែលរឹងមាំសឹងគ្រប់ជ្រុង ហើយរកមិនឃើញពីចំណុចខ្សោយណាមួយឡើយ»៕
