គ្រប់គ្នាដឹងហើយថា បេក្ខភាពដំបូងគេដែលជឿជាក់ថា នឹងក្លាយជាគ្រូបង្វឹកថ្មីនៅ Manchester United សម្រាប់រដូវកាលក្រោយនេះ គឺលោក Mauricio Pochettino ជាអ្នកចាត់ការបច្ចុប្បន្ននៅ PSG។
យ៉ាងណាមិញ Real Madrid គ្រោងនឹងរកអ្នកជំនួសលោក Carlo Ancelotti នៅរដូវក្តៅនេះបន្ទាប់ពីចាញ់ Paris Saint-Germain នៅ Champions League កាលពីថ្ងៃអង្គារ។
យោងតាមសារព័ត៌មាន AS បានឱ្យដឹងថាលោក Florentino Perez ដែលជាប្រធានក្លិប Real Madrid គិតថាទម្រង់លេងរបស់លោក Ancelotti គឺមានភាពទន់ខ្សោយផ្នែកការពារ និងបានខឹងទម្រង់លេងបែបនេះណាស់។
លោក Perez បានសម្លឹងឃើញលោក Pochettino ជាគោលដៅទី ១ ហើយគ្រោងនឹងដាក់សំណើទៅលោកគ្រូបង្វឹកសញ្ជាតិអាហ្សង់ទីនរូបនេះ នៅចប់រដូវកាលនេះ ដើម្បីមកជំនួសតំណែងលោក Carlo Ancelotti ខណៈដែល Manchester United ក៏ប៉ងចង់បានលោកមកដឹកនាំដែរ៕
