ប្រធាន La Liga លោក Javier Tebas ជឿជាក់ថាក្លិបអធិរាជសរ Real Madrid នឹងក្លាយជាក្រុមតែមួយគត់ ដែលអាចទទួលបានការផ្ទេរធំបំផុតលើកីឡាករ Erling Haaland និង Kylian Mbappe ។
យើងដឹងហើយថា ក្លឹបយក្សអេស្បាញមួយនេះ គឺស្ថិតក្នុងចំណោមគូប្រជែងកំពូល ក្នុងការនាំយកតារាឆ្នើមរបស់ Borussia Dortmund និង Paris Saint-Germain នៅរដូវក្តៅនេះ។
ប៉ុន្តែ Tebas ជឿជាក់ថាក្រុម Santiago Bernabeu គឺជាក្រុមតែមួយគត់ ដែលមានអំណាចហិរញ្ញវត្ថុ ក្នុងការចុះហត្ថលេខាលើខ្សែប្រយុទ្ធទាំងពីរ ខណៈដែលគូប្រជែងរបស់ពួកគេកំពុងជួបការលំបាកស្រាប់។
លោក Tebas បានប្រាប់អ្នកយកព័ត៌មានថា៖ «Real Madrid នឹងទទួលបាន Mbappe និង Haaland ខណៈដែលក្រុមផ្សេងទៀតដូចជា Barcelona និង Juventus កំពុងជាប់គាំងផ្នែកហិរញ្ញវត្ថុ»។
លោកបន្តថា «ការដែល Mbappe មកគឺជាដំណឹងដ៏អស្ចារ្យសម្រាប់ La Liga ។ វានឹងក្លាយជាសេចក្តីរីករាយសម្រាប់ La Liga ។ វាជារឿងល្អបំផុតដែលអាចកើតឡើងចំពោះ La Liga» ៕
