វីរបុរសបាល់ទាត់អង់គ្លេសលោក Rio Ferdinand បាននិយាយថា មានក្លឹបតែ ២ប៉ុណ្ណោះគឺ Manchester City និង Liverpool ដែលអាចមានភាគរយខ្ពស់ក្នុងការឈ្នះពាន Champion League នៅរដូវកាលនេះ។
បច្ចុប្បន្នការប្រកួត Champion League បានឈានមកដល់វគ្គ ១៦ក្រុមចុងក្រោយហើយ ក្នុងនោះមានក្លិបអង់គ្លេសធំៗជាច្រើនបានចូលរួមដូចជា Manchester City, Liverpool, Chelsea និង Manchester United។
ជាក់ស្តែង Man City បានយកឈ្នះ Sporting Lisbon ៥-០ ក្នុងជើងទី ១ វគ្គ ១៦ក្រុមចុងក្រោយ ខណៈដែល Liverpool បានយកឈ្នះ Inter Milan ២-០ ចំណែកឯ Man United និង Chelsea មិនទាន់មានការប្រកួត។
ទោះជាយ៉ាងណា អតីតតារាឆ្នើមរបស់បិសាចក្រហម លោក Rio Ferdinand បាននិយាយថា៖ “ខ្ញុំគិតថា Liverpool និង Man City គឺជាក្រុមដែលអាចមានឱកាសឈ្នះពាន Champion League ខ្ពស់ជាង Chelsea។ ហើយក្រុមខ្លាំង មួយទៀតដែលមិនអាចមើលរំលងបាននោះគឺ Bayern Munich”៕
