យោងតាមកាសែត The Times កីឡាករ Mohamed Salah នឹងត្រលប់ទៅហ្វឹកហាត់ជាមួយ Liverpool នៅថ្ងៃអង្គារ បន្ទាប់ពីការខកចិត្តចុងក្រោយក្នុងពានរង្វាន់ AFCON ។ កីឡាករសញ្ជាតិអេហ្ស៊ីបរូបនេះ ត្រូវបានគេរាយការណ៍ថាចង់បង្ហាញក្នុងការប្រកួតបន្ទាប់របស់ពួកគេទល់នឹង Leicester City ក្នុងក្របខ័ណ្ឌ Premier League នៅថ្ងៃព្រហស្បតិ៍។
ការត្រលប់មកវិញរបស់កីឡាករសញ្ជាតិអេហ្ស៊ីបរូបនេះ នឹងជាការជំរុញដ៏ធំមួយសម្រាប់អ្នកចាត់ការ Jurgen Klopp ក្នុងការប្រជែងដណ្តើមពាន Premier League។ បញ្ជាក់ផងដែរថា ជំនួបចុងក្រោយរបស់ហង្សក្រហម ជាមួយនឹងក្រុម Leicester ក្រុមរបស់លោក Klopp បានរងបរាជ័យ ១-០ កាលពីខែធ្នូ។
ពួកគេនឹងសម្លឹងរកការសងសឹកចំពោះការបរាជ័យនោះ ហើយបន្តក្តៅគគុកលើក្រុមកំពូលតារាង Manchester City ដែលបច្ចុប្បន្នកំពុងនាំមុខ ៩ពិន្ទុ។ យ៉ាងណាមិញ ហង្សក្រហមមានការប្រកួតក្នុងដៃ៕
