ក្របខណ្ឌបាល់ទាត់កំពូលអង់គ្លេស Premier League បានចេញច្បាប់ថ្មីស្ដីពីកូវីដ-១៩ ក្នុងគោលបំណងជៀសវាងការពន្យារពេលការប្រកួតបន្ថែមទៀត។
កន្លងមកក្លិបនីមួយៗបានស្នើសុំលើកការប្រកួត ក្រោមហេតុផលមានអ្នកវិជ្ជមានកូវីដ-១៩ នៅក្លិបរួមទាំងមានកីឡាកររបួសមិនអាចបំពេញការប្រកួតបាន ។ បញ្ហាទាំងនោះនាំឲ្យ Premier League ចេញច្បាប់ថ្មីដោយចែងថា ទាល់តែមានកីឡាករវិជ្ជមានកូវីដ-១៩ យ៉ាងតិច ៤នាក់ទើបក្លិបអាចស្នើសុំលើកការប្រកួតបាន។ ច្បាប់ថ្មីនេះនឹងចាប់ផ្តើមអនុវត្តពីប្រកួតបន្ទាប់នៅថ្ងៃទី៥ ខែកុម្ភៈតទៅ។
សូមជម្រាបថា ការប្រកួតសរុប ២២ប្រកួតរដូវកាលនេះត្រូវបានលើកនៅខែធ្នូ និងខែមករាដោយសារតែបញ្ហាកូវីដ-១៩ នេះ៕
