ក្រោយទទួលរងរបួសជង្គង់ខាងស្ដាំ ចាន់ វឌ្ឍនាកា បាននិយាយថា កីឡាករ គឺតែងតែប្រឈមនឹងបញ្ហារបួស អរគុណគ្រប់គ្នាដែលបារម្មណ៍ពីស្ថានភាពរបួសរបស់ខ្ញុំ ខ្ញុំក៏សង្ឃឹមដូចគ្នាថានឹងមិនមានអ្វីធ្ងន់ធ្ងរទៅចុះ អ្វីៗគឺរង់ចាំលទ្ធផល និងការពិភាក្សាជាមួយក្រុមគ្រូពេទ្យបន្តទៀត។
គួរបញ្ជាក់ថា CV11 បានរងរបួសក្នុងជំនួបរវាងបឹងកេត និងវិសាខា កាលពីថ្ងៃពុធ ដែលបង្ខំឲ្យរូបគេត្រូវប្ដូរចេញត្រឹមនាទី ៣០ នៃការប្រកួត។ យ៉ាងណាក៏ដោយអ្នកគាំទ្រនៅតែសម្លឹងឃើញទម្រង់លេងដ៏ល្អរបស់កីទ្បាកររូបនេះ៕
