យ៉ាងហោចណាស់មនុស្ស ៦ នាក់ត្រូវបានស្លាប់នៅក្នុងហេតុការណ៍ផ្អើលការរត់ជាន់គ្នា នៅខាងក្រៅកីឡដ្ឋានបាល់ទាត់ដែលរៀបចំការប្រកួត Africa Cup of Nations ក្នុងប្រទេសកាមេរូន។
ឧបទ្ទវហេតុនេះ បានកើតឡើងនៅពេលដែលហ្វូងមនុស្សជាច្រើន ព្យាយាមចូលទៅកាន់កីឡដ្ឋាន Olembe ក្នុងរដ្ឋធានី Yaounde មុនពេលការប្រកួតវគ្គ ១៦ ក្រុមចុងក្រោយជាមួយនឹងកោះ Comoros ។
លោក Naseri Paul Biya អភិបាលនៃតំបន់កណ្តាលនៃប្រទេសកាមេរូនបាននិយាយថា អាចមានអ្នកស្លាប់ និងរបួសច្រើនជាងនេះ ខណៈដែលមន្ត្រីនៅមន្ទីរពេទ្យក្បែរនោះបាននិយាយថា ពួកគេបានទទួលអ្នករងរបួសយ៉ាងតិច ៤០ នាក់ពីហេតុការណ៍រត់ជាន់គ្នា។
គួរបញ្ជាក់ថា កីឡដ្ឋាននេះ មានសមត្ថភាពផ្ទុក ៦០,០០០នាក់ ប៉ុន្តែវាមិនមែនមានន័យថាពេញជាង ៨០% នោះទេ ដោយសារការរឹតបន្តឹងរបស់កូវីដ-១៩។ មន្ត្រីការប្រកួតត្រូវបានដកស្រង់សម្តី ដែលនិយាយថាមនុស្ស ៥០,០០០ នាក់កំពុងព្យាយាមចូលរួម។
នាង Olinga Prudence ដែលជាគិលានុបដ្ឋាយិកាក្នុងតំបន់នៅមន្ទីរពេទ្យ Mesassi បាននិយាយថា អ្នករបួសមួយចំនួនស្ថិតក្នុងស្ថានភាពអស់សង្ឃឹម។ “យើងនឹងត្រូវជម្លៀសពួកគេទៅកាន់មន្ទីរពេទ្យឯកទេស” ជាបន្ទាន់។
ទោះបីជាមានឧប្បត្តិហេតុក៏ដោយ ការប្រកួតវគ្គជម្រុះបានបន្តទៅមុខ ហើយម្ចាស់ផ្ទះកាមេរូនបានកក់កន្លែងរបស់ពួកគេនៅក្នុងការប្រកួតវគ្គ ១/៤ ផ្តាច់ព្រ័ត្រជាមួយនឹងជ័យជម្នះ ២-១ លើក្រុម Comoros ដែលមានគ្នាដប់នាក់៕
សូមទស្សនាវីដេអូខាងក្រោម៖
