កំពូលខ្សែប្រយុទ្ធ Christiano Ronaldo បានបង្ហោះសារលើកទឹកចិត្តមួយដល់អ្នកគាំទ្រ និងមិត្តរួមក្រុម បិសាចក្រហម Manchester United ក្រោយទទួលបានជ័យជំនះ ដ៏គួរឲ្យភ្ញាក់ផ្អើលលើក្រុម West Ham United ១-០ ក្នុងក្របខណ្ឌ Premier League។
ជាការពិតណាស់ ខ្សែប្រយុទ្ធល្បឿនលឿន Marcus Rashford ជាអ្នករកគ្រាប់បាល់ជ័យជម្នះ ឲ្យក្រុមបិសាចក្រហម នៅចុងម៉ោង ៩០+៣ ដែលជួយឲ្យក្រុមទទួលបាន ៣ពិន្ទុឈរលើលេខរៀងទី ៤ក្នុងតារាង Premier League។
យ៉ាងណាមិញ CR7 លេងជាជម្រើស ១១នាក់ដំបូងផងដែរក្នុងការប្រកួតនេះ ថែមទាំងបានបង្ហោះសារលើកទឹកចិត្តក្រោយបញ្ចប់ការប្រកួតថា៖ “វាជាជ័យជម្នះដ៏សំខាន់មួយ ក្នុងការឈានទៅរកគោលដៅរបស់ពួកយើង។ បើទោះបីជា ផ្លូវដែលពួកយើងកំពុងដើរមានឧបសគ្គច្រើនក្តី ប៉ុន្តែពួកយើងនៅតែអាចឈររួមគ្នា នឹងប្រឹងប្រែងលេងឲ្យកាន់តែស្វិតស្វាញ ដើម្បីឲ្យអ្នកគាំទ្ររបស់យើងមានមោទនភាព។ Let’s go Devils!”៕
