បរទេស៖ នេះបើយោងតាមការចេញផ្សាយរបស់ The Sun នៅថ្ងៃទី២១ ខែមករា ឆ្នាំ២០២២នេះ បានអោយដឹងថា ក្លឹប Real Betis កំពុងចាប់អារម្មណ៍ចង់បានខ្សែការពារ Oleksandr Zinchenko របស់ក្លឹប Manchester City។
ក្លឹបនៅប្រទេសអេស្ប៉ាញមួយនេះសង្ឃឹមថាអាចយកកីឡាករវ័យ ២៥ឆ្នាំរូបនេះមកកាន់ទឹកដី Estadio Benito Villamarín នៅខែនេះ ជាមួយនឹងការសន្យា ផ្តល់ពេលវេលាលេងបាល់អោយបានទៀងទាត់។
កីឡាករ Zinchenko បានបង្ហាញខ្លួនតិចបំផុតសម្រាប់ក្លឹប City នៅរដូវកាលនេះ។ ប៉ុន្តែកុងត្រារបស់គាត់នឹងត្រូវអស់នៅឆ្នាំ ២០២៤ ដែលទាមទារអោយកាត់បន្តស្នាក់នៅ និងប្រកួតប្រជែងក្នុងការស្វែងរកកៅអីមួយក្នុងជម្រើស ១១នាក់របស់លោក Pep Guardiola៕
