លោក Jose Mourinho ទទូចថាគាត់រីករាយក្នុងការស្នាក់នៅ Roma បន្ទាប់ពីការចាប់អារម្មណ៍របស់ Everton ។
បច្ចុប្បន្ន Everton កំពុងស្វែងរកអ្នកចាត់ការថ្មី បន្ទាប់ពីបណ្តេញលោក Rafa Benitez ហើយ Mourinho ស្ថិតក្នុងចំណោមបេក្ខភាពដំបូងគេ ដែលត្រូវបានពិចារណារួមជាមួយនឹង Frank Lampard, Wayne Rooney និង Fabio Cannavaro ។
ប៉ុន្តែអតីតអ្នកចាត់ការ Chelsea, Manchester United និង Tottenham និយាយថា គាត់មិនមានគម្រោងចាកចេញពីក្លឹប Serie A ឡើយ។
Mourinho បាននិយាយនៅល្ងាចថ្ងៃព្រហស្បតិ៍ថា ” បើនិយាយពីអារម្មណ៍ ចំណង់ចំណូលចិត្ត ក្នុងការធ្វើការជាមួយ Roma ខ្ញុំនិយាយថា ខ្ញុំមាន ១១ ក្នុងចំណោម ១០”។
“ខ្ញុំពិតជារីករាយខ្លាំងណាស់ ដែលបាននៅក្លឹបមួយដែលខ្ញុំមានអារម្មណ៍ថាមនុស្សជាច្រើនជឿជាក់លើខ្ញុំ។ ហើយគ្មានអ្វីសប្បាយចិត្តជាងនេះទេ”៕
