Romelu Lukaku បានខកខានរកគ្រាប់បាល់ជាថ្មីក្នុងលទ្ធផលស្មើ ១-១ របស់ Chelsea ទល់នឹង Brighton & Hove Albion កាលពីថ្ងៃអង្គារ។ កីឡាករអន្តរជាតិបែលហ្ស៊ិករូបនេះ បានចូលលេង ៤ប្រកួតជាប់គ្នាដោយគ្មានគ្រាប់បាល់។
ការវិលត្រឡប់របស់កីឡាករវ័យ ២៨ ឆ្នាំទៅកាន់ Chelsea ហាក់មិនសូវទទួលផលវិជ្ជមានឡើយ។ បទសម្ភាសន៍របស់គាត់ជាមួយ Sky Sports ជាកន្លែងដែលគាត់បានពិភាក្សាដោយបើកចំហចំពោះបេះដូងរបស់គាត់ចំពោះ Inter Milan ដែលធ្វើឲ្យប៉ះពាល់ដល់អារម្មណ៍របស់គ្រូបង្វឹក និងអ្នកគាំទ្រ។
យ៉ាងណាមិញ Romelu Lukaku គឺជាកីឡាករថ្លៃបំផុតរបស់ Chelsea គាត់ត្រូវបានគេរំពឹងថានឹងត្រូវបានដកចេញនៅរដូវក្តៅនេះ ដោយទម្រង់លេងនៅលើទីលានរបស់គាត់មានការធ្លាក់ចុះ។ Lukaku ត្រូវបានអ្នកគាំទ្រ Chelsea ស្រែកហ៊ោចំអកនៅក្រៅទីលាន បន្ទាប់ពីលេងមិនបានល្អក្នុងការប្រកួតចុងក្រោយរបស់ពួកគេជាមួយ Brighton។
ឥឡូវនេះសូមក្រឡេកមកមើលកីឡាករ ៥ នាក់ដែលអាចជំនួស Romelu Lukaku នៅ Chelsea ដែលមានដូចជា៖ Mauro Icardi (Paris Saint-Germain), Patrick Schick (Bayer Leverkusen), Dusan Vlahovic (Fiorentina), Erling Haaland (Borussia Dortmund) និង Harry Kane (Tottenham Hotspur)៕
