ដូចដែលអ្នកបានឃើញ ក្រុមម្ចាស់ជើងឯក៤សម័យ ហ្កាណាបានធ្លាក់ចេញត្រឹមវគ្គចែកពូល Africa Cup of Nations បន្ទាប់ពីពួកគេបរាជ័យក្នុងការប្រកួតក្រោមថ្វីជើងកូម៉ូរូស ដោយលទ្ធផល ២-៣។
កីឡាករ El Fardou Ben Nabouhane បានរកគ្រាប់បាល់នាំមុខសម្រាប់កូម៉ូរ៉ូស នៅដើមតង់ទី១ ហើយក្រោយមកហ្កាណា នៅសល់សមាជិកលើទីលានតែ ១០រូបប៉ុណ្ណោះ នៅពេលដែល Andre Ayew ទទួលបានកាតក្រហម។
Ahmed Mogni រកបានគ្រាប់ទី២សម្រាប់កូម៉ូរូស មុនពេលដែលហ្កាណាវាយបកតាមស្មើពីរគ្រាប់វិញ ប៉ុន្ដែចុងក្រោយពួកគេនៅតែមិនអាចជៀសផុតពីបរាជ័យ ដោយគ្រាប់បាល់របស់ Mogni ក្នុងនាទីទី៨៥ ដែលធ្វើឱ្យហ្កាណាជ្រុះចេញពីព្រឹត្តិការណ៍បាល់ទាត់ជម្រើសជាតិអាហ្វ្រិក ត្រឹមវគ្គចែកពូលជាលើកដំបូង ចាប់តាំងពីឆ្នាំ២០០៦ មក។
យ៉ាងណាមិញ សម្រាប់លទ្ធផលនេះ បានធ្វើឱ្យមានការភ្ញាក់ផ្អើលខ្លាំង ក្នុងប្រវត្តិសាស្ដ្ររបស់ AFCON ដោយសារកូម៉ូរ៉ូស រកគ្រាប់បាល់បញ្ចូលទីលើកដំបូងក្នុងការប្រកួតជុំចុងក្រោយ ហើយនឹងទទួលជ័យជម្នះលើកដំបូង៕
សូមទស្សនាវីដេអូខាងក្រោម៖
