បរទេស៖ នេះបើយោងតាមការចេញផ្សាយរបស់ El Nacional នៅថ្ងៃទី១៥ ខែមករា ឆ្នាំ២០២២នេះ បានអោយដឹងថា ម្ចាស់ក្លឹប Chelsea គឺលោក Roman Abramovich ចង់បានកីឡាករ Frenkie de Jong របស់ក្លឹប Barcelona ដោយហ៊ានចំណាយលុយ ៤០លានយូរ៉ូ។
ទោះបីជាយ៉ាងណាក៏ដោយ ខាងក្លឹបនៅក្របខណ្ឌអេស្ប៉ាញមួយនេះចង់បាននៅតម្លៃប្រមាណ ៦០លានយូរ៉ូ។
នេះបើយោងតាមរបាយការណ៍បានបញ្ជាក់ថាប្រសិនជាទំរង់របស់ De Jong នៅតែបន្តធ្លាក់ទៀតនោះ វានឹងធ្វើអោយតម្លៃខ្លួនរបស់គាត់ធ្លាក់មកត្រឹម ៥០លានយូរ៉ូ។ ដូច្នោះក្លឹប Chelsea នឹងត្រូវប្រកួតប្រជែងជាមួយនឹងក្លឹប Bayern Munich សម្រាប់ចុះកុងត្រាយករូបគាត់៕
