កាសែត The Sun បានរាយការណ៍ថា Cristiano Ronaldo បានធ្វើការពិភាក្សាបន្ទាន់ជាមួយភ្នាក់ងាររបស់គាត់ Jorge Mendes អំពីអនាគតរបស់គាត់នៅ Manchester United ។ កីឡាករសញ្ជាតិព័រទុយហ្គាល់រូបនេះ មានការព្រួយបារម្មណ៍ចំពោះលទ្ធផលមិនល្អនាពេលថ្មីៗនេះ ហើយកំពុងពិចារណាលើការផ្លាស់ប្តូរបន្ទាប់របស់គាត់ ដោយសារស្ថានភាពមិនសូវល្អរបស់បិសាចក្រហមក្នុង Premier League នាពេលចុងក្រោយនេះ។
កីឡាករសញ្ជាតិព័រទុយហ្គាល់កំពុងស្វែងរកការបន្ថែមកេរ្តិ៍ឈ្មោះរបស់គាត់នៅ United ប៉ុន្តែមានការព្រួយបារម្ភថាការផ្លាស់ប្តូរនេះ អាចធ្វើអោយខូចមុខមាត់របស់គាត់។ ភ្នាក់ងាររបស់គាត់គឺលោក Mendes បានជិះយន្តហោះដើម្បីជជែកជាមួយអតិថិជនដ៏សំខាន់អំពីអានាគត។ ពួកគេទាំងពីរនាក់ត្រូវបានគេរាយការណ៍ថា បានសន្ទនាគ្នាយ៉ាងយូរ អំពីសកម្មភាពបន្ទាប់របស់ពួកគេ។
ប្រភពស្និទ្ធនឹងកីឡាកររូបនេះបានបង្ហើបថា៖ «Cristiano មានការព្រួយបារម្ភយ៉ាងខ្លាំងអំពីអ្វីដែលកំពុងកើតឡើងនៅ United។ ក្រុមនេះកំពុងទទួលបានការរិះគន់ជាច្រើន ហើយគាត់ដឹងថាគាត់ត្រូវបានគេចាត់ទុកថាជាអ្នកដឹកនាំម្នាក់។ មានបញ្ហាច្រើនណាស់ ហើយ Cristiano កំពុងមានសម្ពាធ និងមានភាពតានតឹងខ្លាំងចំពោះស្ថានការណ៍នេះ»។
«គាត់ពិតជាចង់ឱ្យការផ្លាស់ទៅ United របស់គាត់ទទួលបានជោគជ័យ ប៉ុន្តែគាត់កំពុងចាប់ផ្តើមទទួលស្គាល់ថា ការឈ្នះពានរង្វាន់ជាមួយនឹងការរៀបចំបច្ចុប្បន្នអាចជាការលំបាក។ Jorge បានមកជួបគាត់ ហើយពួកគេបានចំណាយពេលជជែកគ្នាអំពីស្ថានការដ៏តឹងតែងនេះ ដើម្បីស្វែងរកដំណោះស្រាយ»៕
