យោងតាមរបាយការណ៍បានឱ្យដឹងថា ក្លឹបកាំភ្លើងធំ Arsenal មានឆន្ទៈក្នុងការចំណាយលើសពី ៧០ លានផោន ដើម្បីចុះហត្ថលេខាលើខ្សែប្រយុទ្ធរបស់ Fiorentina កីឡាករ Dusan Vlahovic ក្នុងខែនេះ។
ក្រុមកាំភ្លើងធំ បានធ្វើឱ្យកីឡាករអន្តរជាតិស៊ែប៊ីក្លាយជាគោលដៅកំពូលរបស់ពួកគេ ជាមួយនឹងរបាយការណ៍ដែលអះអាងថា ការផ្តល់ជូន ៥៥ លានអឺរ៉ូ (៤៥,៨ លានផោន) បូកនឹង Lucas Torreira ត្រូវបានធ្វើឡើងទៅ Fiorentina ។
ទន្ទឹមនឹងនោះដែរ ក្លឹបJuventus, Inter និង Manchester City សុទ្ធតែត្រូវបានចាប់អារម្មណ៍ខ្លាំងលើ Vlahovic ដែលបានស៊ុតបញ្ចូលទី ១៦ គ្រាប់ក្នុងការបង្ហាញខ្លួន ១៩ លើកនៅ Serie A នៅរដូវកាលនេះ ប៉ុន្តែ Arsenal បានចុះបញ្ជីការចាប់អារម្មណ៍ខ្លាំងបំផុតរហូតមកដល់ពេលនេះ៕
