Gareth Bale បន្ដអវត្តមានពីទីលានប្រកួតសម្រាប់ Real Madrid ជួបតតាំងជាមួយ Barcelona ក្នុងវគ្គពាក់កណ្ដាល់ផ្ដាច់ព្រ័ត្រ Spanish Super Cup នៅអារ៉ាប៊ីសាអ៊ូឌីត។
ខ្សែប្រយុទ្ធវេលស៍វ័យ ៣២ឆ្នាំរូបនេះ លេងបានតែ ៣ប្រកួតប៉ុណ្ណោះក្នុងរដូវកាលនេះ ក្រោយត្រលប់ពីរបួស ហើយបន្ដរបួសជាថ្មី បន្ទាប់ពីបំពេញកាតព្វកិច្ចជូនក្រុមបាល់ទាត់ជម្រើសជាតិវេលស៍ ហើយមិនបានលេងមកទល់នឹងបច្ចុប្បន្ន។
យ៉ាងណាមិញ អ្នកចាត់ការ Carlo Ancelotti កាលពីថ្មីៗនេះ បានបញ្ជាក់ថា Bale លែងមានបញ្ហារបួសទៀតហើយ ប៉ុន្ដែលោកមិនបាននិយាយថា គេមានអារម្មណ៍ល្អនោះទេ។
ទោះបី Bale មិនមានឈ្មោះក្នុងបញ្ជីកីឡាករដែលធ្វើដំណើរទៅ អារ៉ាប៊ីសាអ៊ីឌីតនោះ ប៉ុន្ដែមានដំណឹងល្អសម្រាប់ក្រុមលោក Ancelotti។ Luka Jovic និង Dani Carvajal ដែលខកខានដោយសាររបួសកាលពីថ្មីៗនេះ បានត្រលប់មកចូលរួមក្រុម និងបានធ្វើដំណើរទៅជាមួយកីឡាករដទៃទៀតដែរ។
កីឡាករ Real Madrid ដែលត្រូវបានកោះហៅមានដូចជា៖
-អ្នកចាំទី: Thibaut Courtois, Andriy Lunin, Fuidias
-ខ្សែការពារ: Dani Carvajal, Eder Militao, David Alaba, Jesus Vallejo, Nacho, Marcelo, Ferland Mendy
-ខ្សែបម្រើ: Toni Kroos, Luka Modric, Casemiro, Fede Valverde, Lucas Vazquez, Dani Ceballos, Isco, Eduardo Camavinga
-ខ្សែប្រយុទ្ធ: Luka Jovic, Karim Benzema, Eden Hazard, Marco Asensio, Vinicius, Rodrygo៕
