ភ្នំពេញ៖ នៅក្នុងឪកាសដែលសហព័ន្ធកីឡាបាល់ទាត់កម្ពុជា បានបើកកិច្ចប្រជុំ នាថ្ងៃទី៦ ខែមករា ឆ្នាំ២០២២ ក្រោមអធិបតីភាព លោក សៅ សុខា ប្រធានសហព័ន្ធកីឡាបាល់ទាត់កម្ពុជា និងមានការចូលរួមពី លោក Satoshi Saito នាយកប្រតិបត្តិក្រុមហ៊ុនលីគកម្ពុជា បានសម្រេចចិត្តប្តូរឈ្មោះការប្រកួតលីគកំពូលកម្ពុជាពី Metfone Cambodian League (C-League) ទៅជា Cambodian Premier League (CPL) សម្រាប់រដូវកាល ២០២២នេះ។ ហើយសម្រាប់ការប្រកួតនឹងចាប់ផ្តើមនៅថ្ងៃទី៥ ខែមីនា ឆ្នាំ២០២២ ដោយមានក្លឹបចូលរួមចំនួនតែ ៨ប៉ុណ្ណោះ នឹងមានការប្រកួតសរុប ១៦៨ប្រកួត។ ដោយក្នុងមួយក្រុមត្រូវលេង ២១លើក គឺមានន័យថាប្រកួត ៣ជើង។
ក្នុងនោះក្រុមទាំង ៨ ដែលនឹងលេងនៅ Cambodian Premier League (CPL) រួមមាន ព្រះខ័នរាជស្វាយរៀង បឹងកេត វិសាខា ភ្នំពេញក្រោន ណាហ្គាវើលដ៍ កងយោធពលខេមរភូមិន្ទ គិរីវង្សសុខសែនជ័យ និងអង្គរថាយហ្គឺរ៕
