បរទេស៖ នេះបើយោងតាមការចេញផ្សាយរបស់ Foot Mercato នៅថ្ងៃទី៥ ខែមករា ឆ្នាំ២០២២នេះ បានអោយដឹងថា ក្លឹប Manchester Untied កំពុងចាប់អារម្មណ៍ចំពោះខ្សែការពារក្លឹប Borussia Dortmund គឺកីឡាករ Dan-Axel Zagadou។
កីឡាករវ័យ ២២ឆ្នាំរូបនេះ នឹងក្លាយជាកីឡាករដែលគ្មានតម្លៃខ្លួននៅខែមិថុនា ឆ្នាំ២០២២នេះ ហើយខាងក្លឹប BVB កំពុងតស៊ូដើម្បីអោយគាត់បន្តនៅកុងត្រាថ្មី។
ក្លឹប United អាចនឹងយកបានកីឡាករ Zagadou ប្រសិនជាគាត់ពិតជាចាកចេញពី Dortmund នៅរដូវក្តៅខាងមុន។ ក្នុងនោះលោក Ralf Rangnick គឺចាប់អារម្មណ៍ចំពោះកីឡាករសញ្ជាតិបារាំងនេះខ្លាំងណាស់៕
