លោក Thomas Tuchel បានបញ្ជាក់ថា Thiago Silva និង N’Golo Kante អ្នកទាំងពីរបានរបួស អំឡុងពេល Chelsea ទទួលជ័យជម្នះ ៣-១ លើ Aston Villa។
Chelsea បានចាប់ផ្តើមដ៏អាក្រក់បំផុតនៅ Villa Park ខណៈដែល Reece James ធ្វើឲ្យបាល់ចូលទីខ្លួនេង បានធ្វើឲ្យ Aston Villa នាំមុខ១គ្រាប់ដំបូងនៅនាទីទី ២៨ ។
ប៉ុន្តែ Jorginho បានតាមស្មើដោយការស៊ុតបាល់ប៉េណាល់ទីត្រឹមតែ ៦ នាទីបន្ទាប់ ហើយ Romelu Lukaku បានចេញពីកៅអីបម្រុង ដើម្បីរកគ្រាប់បាល់ដំបូងរបស់គាត់នៅ Premier League ចាប់តាំងពីខែកញ្ញា ខណៈដែលធ្វើឲ្យសន្ទុះនៃការប្រយុទ្ធរបស់ក្រុមតោខៀវកាន់តែខ្លាំងក្លា។
Jorginho បានបន្ថែមគ្រាប់ទីពីររបស់គាត់នៅក្នុងម៉ោងបន្ថែម ហើយ Chelsea រក្សាបានយ៉ាងរឹងមាំ ដើម្បីឡើងទៅកម្រិតលើ ស្មើពិន្ទុជាមួយក្រុមលេខ ២ Liverpool ក្នុងតារាង។
យ៉ាងណាមិញ Silva បានដកខ្លួនចេញនៅនាទីទី ៥២ ជាមួយនឹងបញ្ហាសរសៃពួរ ខណៈពេលដែល Kante បានរងរបួសជង្គង់ដែលគាត់បានរងរបួសអំឡុងពេល Chelsea ឈ្នះ ៤-០ លើ Juventus កាលពីខែមុន។
នៅពេលសួរថាតើអ្នកទាំងពីរទំនងជានឹងខកខានការប្រកួតបន្ទាប់របស់ Chelsea ជាមួយ Brighton ឬអត់នោះ Tuchel បានប្រាប់អ្នកយកព័ត៌មានថា៖ «ខ្ញុំស្មានដូច្នេះ។ វានៅសល់តែពីរថ្ងៃទៀតប៉ុណ្ណោះ ដូច្នេះចាប់ពីថ្ងៃនេះដល់ថ្ងៃពុធ គឺជាពេលវេលាដ៏ខ្លីបំផុត»៕
សូមទស្សនាវីដេអូខាងក្រោម៖
