លោក Paul Parker ជឿជាក់ថា Antonio Rudiger នឹងក្លាយជាដៃគូដ៏សក្តិសមម្នាក់ជាមួយ Raphael Varane នៅ Manchester United ប៉ុន្តែការផ្ទេរខ្សែការពាររបស់ Chelsea រូបនេះមកកាន់ទឹកដី Old Trafford គឺទាមទារឱ្យក្លិបទាំងមូលមានមហិច្ចតាចង់បានរូបគេផងដែរ។
គួរបញ្ជាក់ថា ខ្សែការពារសញ្ជាតិ អាល្លឺម៉ង់រូបនេះ នឹងផុតកុងត្រាជាមួយក្រុមតោខៀវនៅចុងរដូវកាលនេះហើយ ហើយមកដល់ពេលនេះគាត់មិនទាន់មានការបន្តកុងត្រាថ្មីនៅឡើយទេ ដែលជាហេតុធ្វើឱ្យអនាគតរបស់គាត់ពេលនេះកំពុងស្ថិតក្នុងភាពស្រពិចស្រពិល ខណៈបច្ចុប្បន្នកីឡាករវ័យ ២៨ ឆ្នាំរូបនេះ ហាក់ត្រូវបានក្លិបធំៗ នៅតំបន់អឺរ៉ុបជាច្រើន កំពុងចាប់អារម្មណ៍ខ្លាំង។
ថ្លែងប្រាប់គេហទំព័រ bettingexpert លោក Parker បានមានប្រសាសន៍យ៉ាងដូច្នេះថា៖ «ប្រសិនបើគាត់ស្នាក់នៅជាមួយ Chelsea បន្ត។ គាត់ជាខ្សែការពារមួយរូបដែលមានឥទ្ធិពល ហើយអ្នកគាំទ្រជាច្រើនបានគាំទ្រទៅលើរូបគាត់ខ្លាំងណាស់។ មកចូលរួមជាមួយ Man UTD ខ្ញុំអាចនិយាយបានថា វាជាមហិច្ឆតាមួយ។ ខ្ញុំយល់ពីមូលហេតុរបស់គាត់ ហើយខ្ញុំគិតថាគាត់ចង់ស្វែងរកការប្រកួតប្រជែងថ្មី។ ប្រសិនបើគាត់បានចាប់ដៃគូជាមួយ Varane តើនឹងមានរឿងអ្វីកើតឡើងទៅ»៕
