ព្រៃវែង៖ កាលពីព្រឹកថ្ងៃទី២៥ ខែធ្នូ ឆ្នាំ២០២១នេះ មានផ្ទះពលរដ្ឋចំនួនពីខ្នងត្រូវរងការខូខាត ខណៈពេលដែលដីច្រាំងទន្លេបានបាក់ស្រុតចុះដល់បាតទន្លេ ទាំងផ្ទាំងៗ។ ហេតុការណ៍នេះ បានកើតឡើងនៅភូមិល្វាកោង ឃុំកំពង់ប្រាំង ស្រុកពារាំង ខេត្តព្រៃវែង។
បើយោងតាមប្រភពពីអាជ្ញាធរមូលដ្ឋានបានឲ្យដឹងថា គ្រោះមហន្តរាយបាក់ស្រុតដីច្រាំងទន្លេ នៅភូមិល្វាកោង ឃុំកំពង់ប្រាំង ស្រុកពារាំង នេះ មិនបណ្តាលឲ្យបាត់បង់ជីវិតមនុស្សសត្វនោះទេ ប៉ុន្តែផ្ទះសំបែងពលរដ្ឋចំនួនពីរខ្នង ដែលជាផ្ទះថ្ម បានរងការខូតខាតដែលត្រូវប្រកាសអាសន្ន។ យ៉ាងណាមិញ នៅមិនទាន់មានសេចក្តីរាយការណ៍ណាមួយ អំពីហេតុការណ៍ខាងលើនេះ ពីរដ្ឋបាលស្រុកពារាំងនៅហើយឡើយទេ៕
ប្រភព៖ សហការី
