បរទេស៖ ខ្សែប្រយុទ្ធអ៊ុយរ៉ាហ្គាយនឹងជំនួសកន្លែង Aguero នៅ Camp Nou។
នេះបើយោងតាមការចេញផ្សាយរបស់ Marca នៅថ្ងៃទី១៨ ខែធ្នូ ឆ្នាំ២០២១នេះបានអោយដឹងថា Edinson Cavani បានយល់ព្រមទៅចូលរួមជាមួយក្លឹប Barcelona ហើយ។
ខ្សែប្រយុទ្ធរូបនេះនឹងចុះកុងត្រារយៈពេលខ្លីជាមួយក្លឹបរហូតដល់ចុងរដូវកាល សម្រាប់ជំនួសកន្លែង Sergio Aguero ដែលត្រូវបានបង្ខំចិត្តបញ្ចប់អាជីពបាល់ទាត់ព្រោះបញ្ហាបេះដូង។
Cavani មិនបានស្ថិតនៅក្នុងជម្រើសដំបូងជាប់នៅទឹកដី Old Trafford នោះទេ ហេតុដូច្នេះក្រុមបិសាចក្រហមក៏យល់ព្រមអោយកីឡាករវ័យ ៣៤ឆ្នាំរូបនេះចាកចេញ ដើម្បីសម្រួលដល់ការចំណាយលើប្រាក់ពលកម្មផងដែរ៕
