ក្រុមហង្សក្រហម Liverpool យកបាន ៣ ពិន្ទុយ៉ាងងាយស្រួល បន្ទាប់ពីជ័យជម្នះដោយលទ្ធផល ៣-១ ទៅលើក្រុម Newcastle នៅទឹកដី Anfield ដើម្បីធានាថាពួកគេនៅតែបន្តប្រកួតប្រជែង សម្រាប់ពានរង្វាន់លីគនៅរដូវកាលនេះ ។
ជាក់ស្តែងកីឡាករ Diogo Jota, Roberto Firmino និង Alexander-Arnold សុទ្ធសឹងតែបានរកគ្រាប់បាល់បញ្ចូលទីសម្រាប់ក្រុម ប៉ុន្តែយ៉ាងណាក៏ដោយគ្រាប់បាល់ដ៏ល្អឥតច្ចោះពីចម្ងាយចុងក្រោយរបស់ខ្សែការពារស្តាំ Arnold គឺជាអ្វីដែលគ្រប់គ្នា លើកយកមកនិយាយច្រើនបំផុត នៅក្នុងការប្រកួតទាំងមូលនេះ ។
ហើយមិនតែប៉ុណ្ណោះ គ្រូបង្វឹកលោក Jurgen Klopp ក៏បានធ្វើការសាទរយ៉ាងពេញទំហឹងទៅកាន់កីឡាករ Trent Alexander-Arnold ផងដែរ ស្របពេលដែលក្រុម Liverpool កំពុងតាមពីក្រោយក្រុមកំពូលតារាង Manchester City ត្រឹមតែ ១ ពិន្ទុប៉ុណ្ណោះ ។
លើសពីនេះ ក្រោយចប់ការប្រកួតលោក Klopp បាននិយាយថា ៖ «ខ្ញុំអាចនិយាយបានថា វាជាគ្រាប់បាល់ពីចម្ងាយដ៏ល្អបំផុតរបស់ Trent Alexander-Arnold ដែលគាត់ធ្វើបាននៅប្រកួតនេះ ។ វាពិតជាធ្វើឲ្យខ្ញុំ ស្រឡាំងកាំង និងមិនគួរឲ្យជឿ។ បច្ចេកទេស ស៊ុតបាល់របស់គាត់ គឺស្ថិតនៅកម្រិតមួយផ្សេងទៀត»៕
សូមទស្សនាវីដេអូខាងក្រោម៖
