Manchester United ថ្មីៗនេះបានតែងតាំងលោក Ralf Rangnick ឱ្យគ្រប់គ្រងក្រុមនៅលើមូលដ្ឋានបណ្តោះអាសន្ន។ អ្នកចាត់ការសញ្ជាតិអាឡឺម៉ង់ត្រូវបានផ្តល់កិច្ចសន្យារយៈពេលប្រាំមួយខែនៅ Old Trafford ហើយទំនងជានឹងបើកផ្លូវសម្រាប់គ្រូបង្វឹកថ្មីនៅចុងបញ្ចប់នៃរដូវកាលនេះ។
បិសាចក្រហមនៅតែត្រូវបានផ្សាភ្ជាប់ជាមួយនឹងបេក្ខភាពជាច្រើន ខណៈដែលពួកគេបន្តស្វែងរកអ្នកគ្រប់គ្រងអចិន្ត្រៃយ៍ មុនពេលយុទ្ធនាការបន្ទាប់។
អតីតខ្សែប្រយុទ្ធអង់គ្លេស Teddy Sheringham បានបង្ហាញឈ្មោះបេក្ខភាពពីររូបដែល Manchester United គួរតែពិចារណាតែងតាំងជាអ្នកចាត់ការរបស់ពួកគេ។ យោងតាមអតីតកីឡាករអង់គ្លេសរូបនេះ បានបញ្ជាក់ថា លោក Mauricio Pochettino គ្រូបង្វឹក PSG និងលោក Brendan Rodgers របស់ Leicester City នឹងអាចធ្វើការងារបានល្អនៅ Old Trafford ។
Teddy Sheringham ត្រូវបានដកស្រង់សម្តីថា៖ «ខ្ញុំគិតថា Pochettino ឬ Rodgers នឹងល្អឥតខ្ចោះសម្រាប់ការងារនៅ Man Utd»។
Brendan Rodgers ត្រូវបានគេស្គាល់ថាជាគ្រូបង្វឹកដែលស្ងប់ស្ងាត់ និងមានឆន្ទះខ្ពស់។ វាត្រូវបានបង្ហាញក្នុងអំឡុងពេលរបស់គាត់ជាមួយ Liverpool និងការឈ្នះពានរង្វាន់ FA Cup របស់គាត់ជាមួយ Leicester City កាលពីរដូវកាលមុន។
បុរសវ័យ ៥៥ ឆ្នាំរូបនេះក៏បានលើកឡើងពីលោក Mauricio Pochettino ថាមានគុណសម្បត្តិសមរម្យដែលសាកសមនឹងបិសាចក្រហម។ គាត់បាននិយាយថា៖ «អ្នកដឹងទេថាគាត់មានអាកប្បកិរិយាដែលនឹងធ្វើឱ្យគាត់ក្លាយជាបេក្ខជនដ៏ល្អសម្រាប់ការងារនៅ Manchester United»៕
សូមទស្សនាវីដេអូខាងក្រោម៖
