ខ្សែប្រយុទ្ធ Karim Benzema របស់ក្លឹប Real Madrid ត្រូវបានគេរាយការណ៍ថាបើកចំហ ចំពោះក្តីសង្ឃឹមនៃការចូលរួមជាមួយក្លឹបយក្សបារាំង PSG ប្រសិនបើ Los Blancos ចុះហត្ថលេខាលើខ្សែប្រយុទ្ធ Borussia Dortmund កីឡាករ Erling Haaland នៅរដូវក្តៅក្រោយ។
យោងតាម El Nacional បានឲ្យដឹងថាកីឡាករ Benzema បានចាប់ផ្តើមការចរចាជាមួយ PSG រួចហើយ ជុំវិញការផ្លាស់ប្តូរដ៏មានសក្តានុពលមួយទៅកាន់ Parcs des Princes ។ Real Madrid ត្រូវបានគេជឿថានឹងផ្តល់អាទិភាពលើការចុះហត្ថលេខាលើ Haaland នៅរដូវក្តៅក្រោយដែលត្រូវបានគេមើលឃើញថា ជាអ្នកជំនួសតំណែងដ៏យូរអង្វែងសម្រាប់ Benzema។
Karim Benzema បានចូលរួមជាមួយក្លឹបយក្សអេស្ប៉ាញពីក្លឹបបារាំង Lyon នៅរដូវក្តៅឆ្នាំ ២០០៩ ។ ក្នុងអំឡុងពេល ១២ រដូវកាលរបស់គាត់ជាមួយក្លឹប កីឡាករសញ្ជាតិបារាំងរូបនេះបានស៊ុតបញ្ចូលទី ២៩៧ គ្រាប់ក្នុងការបង្ហាញខ្លួន ៥៨០ ប្រកួត។
គាត់បានជួយក្លឹបឈ្នះ La Liga បីដង Copa del Rey ពីរ និងជើងឯក Champions League បួនដង។ Benzema បានក្លាយជាកីឡាករឆ្នើមរបស់ Real Madrid ចាប់តាំងពីការចាកចេញរបស់កីឡាករ Cristiano Ronaldo ដែលជាអ្នកស៊ុតបញ្ចូលទីកំណត់ត្រាគ្រប់ពេលវេលារបស់ក្លឹបទៅកាន់ Juventus ក្នុងរដូវក្តៅឆ្នាំ ២០១៨ ៕
