Cristiano Ronaldo បានរកគ្រាប់បាល់បញ្ចូលទីជ័យជម្នះសម្រាប់ Manchester United ក្នុងការប្រកួតទល់នឹង Norwich City ហើយកីឡាករព័រទុយហ្កាល់រូបនេះ បានបង្ហោះរូភាពមួយសន្លឹកជាការអបអរ។
នៅលើរូបភាពដែល Ronaldo បានបង្ហោះក្នុងគណនី Instagram របស់ខ្លួន អតីតមិត្តរួមក្រុម Real Madrid កីឡាករ Marcelo បានចូលទៅបញ្ចេញមតិ(comment) នៅលើនោះផងដែរ។
ម្ចាស់ពាន Ballon d’Or ៥សម័យ បានស៊ុតបញ្ចូលទីគ្រាប់បាល់ប៉េណាល់ទីនៅនាទីទី៧៥ ក្នុងការប្រកួតនៅកីឡដ្ឋាន Carrow Road ដែលជួយឱ្យក្រុមបិសាចក្រហមទទួលបាន៣ពិន្ទុ កាលពីថ្ងៃអាទិត្យ។
Ronaldo បានសរសេរថា៖ «មួយជំហានបន្ថែមទៀត នៅក្នុងទិសដៅដ៏ត្រឹមត្រូវ។ យើងដឹងពីអ្វីដែលយើងចង់បាន ហើយអ្វីដែលយើងត្រូវធ្វើដើម្បីទទួលបានវា។ វាអាស្រ័យទៅលើយើង! ធ្វើបានល្អ អ្នកទាំងអស់គ្នា! តោះយើង បិសាចក្រហម!»
បន្ទាប់ពីឃើញរូបដែល Ronaldo បានបង្ហោះ ខ្សែការពារស្លាបឆ្វេង Marcelo បានសរសេរមតិ អំពីសមត្ថភាពរកគ្រាប់បាល់របស់ Ronaldo។ Marcelo បានសរសេរថា៖ «នៅពេលណាក៏ដោយ ខ្ញុំមកទីនេះ(មើលឃើញអ្វីដែល Ronaldo បង្ហោះ) ដឹងតែមានគ្រាប់បាល់ហើយ»៕
