ទីបំផុតខ្សែប្រយុទ្ធកំពុងឡើងកូដរបស់ក្លឹបយក្សអេស្ប៉ាញ Vinicius Junior បានឈ្នះពានកីឡាករឆ្នើមប្រចាំខែវិច្ឆិកា នៃក្របខណ្ឌកំពូលរបស់ប្រទេសអេស្ប៉ាញ La Liga ដែលផ្ដល់ដោយ La Liga Santader ។
ជាការពិតណាស់ Vinicius ធ្វើបានល្អខ្លាំង នៅរដូវកាលថ្មីនេះ ទាំងនៅក្នុងក្របខណ្ឌ La Liga និងនៅ Champions League។
ខ្សែប្រយុទ្ធសញ្ជាតិប្រេស៊ីលរូបនេះ រកបាន១២គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន ៧លើក ពីការប្រកួតទាំងអស់ ក្នុងរដូវកាល២០២១/២០២២នេះ ដោយក្នុងនោះនៅក្របខណ្ឌ La Liga គេរកបាន១០គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន ២លើក តាមពីក្រោយមិត្ដរួមក្រុម គឺខ្សែប្រយុទ្ធ Karim Benzema ដែលរក១២គ្រាប់ និងបញ្ជូនបាល់បាន ៧លើក៕
