យោងតាមរបាយការណ៍បានឱ្យដឹងថា Everton បានបញ្ចប់ការតាមប្រមាញ់ខ្សែបម្រើ Donny van de Beek របស់ក្រុមបិសាចក្រហម Manchester United ហើយនឹងផ្តោតលើគោលដៅផ្សេងទៀតនៅខែមករា។
Van de Beek បានក្លាយជាតួអង្គសំខាន់នៅ Old Trafford ចាប់តាំងពីការផ្ទេរពី Ajax ក្នុងតម្លៃ ៣៥ លានផោនក្នុងទីផ្សាររដូវក្តៅឆ្នាំ ២០២០ ។
ខ្សែបម្រើហូឡង់វ័យ ២៤ ឆ្នាំរូបនេះ ត្រូវបានផ្សារភ្ជាប់យ៉ាងខ្លាំងជាមួយនឹងការផ្លាស់ប្តូរខ្ចីជើងចេញពីក្លឹប នៅក្នុងទីផ្សារដោះដូរកីឡាករចុងក្រោយ ប៉ុន្តែគ្រប់យ៉ាងត្រូវបានបញ្ចប់។
យ៉ាងណាមិញ Van de Beek ត្រូវបានប្រគល់ឱកាសក្នុងការចាប់ផ្តើមដំបូងរបស់គាត់ ក្រោមការដឹកនាំបណ្តោះអាសន្នថ្មីរបស់លោក Ralf Rangnick ក្នុងការប្រកួតស្មើ ១-១ សម្រាប់ពានរង្វាន់ Champions League ជាមួយ Young Boys កាលពីថ្ងៃពុធ។
យោងតាម ESPN បើទោះបីជា Van de Beek ត្រូវបានគេដឹងថា នឹងទទួលបានឱកាសកាន់តែច្រើននៅ ManUnited ខណៈដែលគេនៅតែមិនទាន់សម្រេចចិត្តនៅឡើយ៕
