ប្រធានក្លិប Real Madrid លោក Florentino Perez បានចាត់ទុកថាការនាំយក Toni Kroos មកកាន់ Santiago Bernabéu Stadium គឺជារឿងអស្ចារ្យជាងគេប្រចាំសតវត្ស។
ពិតណាស់ កីឡាករសញ្ជាតិអាល្លឺម៉ង់វ័យ ៣១ឆ្នាំរូបនេះ បានសម្រេចចិត្តចាកចេញពី Bayern Munich ដើម្បីផ្លាស់មកកាន់ Real Madrid កាលពីឆ្នាំ២០១៤ ក្នុងតម្លៃ ២៥លានអឺរ៉ូ (ប្រមាណ ២៨លានដុល្លារ) ដោយរូបគេបានរួមចំណែកជួយក្រុមទទួលបានពានរង្វាន់ជាច្រើនដូចជា Champions League ៣ដង FIFA Club World Cup ៣ដង La Liga ២ដង UEFA Super Cup ២ដង និង Super Copa ២ដង។
លោក Perez បាននិយាយថា៖ «គាត់គឺជាមនុស្សរីករាយ ដែលមានរឿងរ៉ាវជីវិតដ៏អស្ចារ្យមិនគួរឲ្យជឿ។ គាត់បានបង្ហាញឲ្យខ្ញុំឃើញថា គាត់ជាកីឡាករអស្ចារ្យជាងគេដែល Real Madrid បាននាំចូលក្នុងមួយសតវត្សនេះ»៕
