ជាមួយនឹងការឈានចូលដល់ពាក់កណ្តាលតង់ក្នុងការប្រកួត Europa League របស់ Napoli ជាមួយ Leicester City កីឡាករ Hirving Lozano ត្រូវបានបង្ខំឱ្យចេញពីទីលាន បន្ទាប់ពីការប៉ះទង្គិចដ៏អាក្រក់ជាមួយកីឡាករ Wilfred Ndidi ។
Lozano កំពុងតែបណ្តើរបាល់ ហើយបានទាក់ជាមួយស្មៅដោយក្បាលរបស់គាត់ដួលមកប៉ះនឹងជង្គង់របស់ Ndidi ហើយបានបាក់ធ្មេញខ្ទាតចេញពីមាត់របស់កីឡាករម៉ិកស៊ិករូបនេះ។ ដែលការចៃដន្យនោះ គឺស្រដៀងនឹងរបួសដែលគាត់បានរងរបួសក្នុងការប្រកួត Gold Cup ជាមួយម៉ិកស៊ិក។
ភ្លាមៗនោះ អាជ្ញាកណ្តាលបានហៅក្រុមគ្រូពេទ្យឲ្យយកប្រង់ការ ហើយ Lozano ត្រូវបានបំពាក់ដោយឧបករណ៍ការពារកនឹងត្រូវគេដកចេញពីទីលាន។
នៅតង់ទីមួយនៃការប្រកួត Europa League ក្រុម Napoli និង Leicester ស្ថិតក្នុងកម្រិតស្មើគ្នាក្នុងលទ្ធផល ២-២។ ជាសំណាងល្អនៅពេលបញ្ចប់ការប្រកួត Napoli បានយកឈ្នះលើ Leicester ក្នុងលទ្ធផល ៣-២៕
