គ្រប់គ្នាដឹងហើយថាកំពូលខ្សែប្រយុទ្ធ Cristiano Ronaldo គឺជានិមិត្តរូបរបស់ Kylian Mbappe ពេញមួយជីវិតរបស់គាត់ ប៉ុន្តែវាហាក់ដូចជា Leo Messi កំពុងផ្លាស់ប្តូរចិត្តរបស់គាត់។ នៅពេលដែលខ្សែប្រយុទ្ធអាហ្សង់ទីនរូបនេះ បានមកដល់ជាលើកដំបូងពី FC Barcelona។
ជាការពិតណាស់ កន្លងមកនេះ Mbappe មានព័ត៌មានជាច្រើនទាក់ទងនឹងការចង់ប្តូរទៅលេងឱ្យ Real Madrid កាលពីរដូវក្តៅមុន ប៉ុន្តែគាត់ក៏នៅតែជាអ្នកកោតសរសើរដ៏ស្មោះត្រង់របស់ Cristiano Ronaldo ផងដែរ។
ទន្ទឹមនឹងនោះ ក្រុមប្រឹក្សា PSG ក៏សង្ឃឹមថារយៈពេលពីរបីខែជាមួយ Messi អាចបញ្ចុះបញ្ចូលគាត់ឱ្យបន្តស្នាក់នៅ ហើយថែមទាំងចុះហត្ថលេខាលើកិច្ចសន្យាថ្មី ដើម្បីគេចចេញពី Real Madrid ។
ទោះបីជាយ៉ាងណាក៏ដោយ Mbappe បានឃើញដៃគូដ៏ល្អគឺ Leo Messi ហើយគាត់ហាក់ដូចជាជឿជាក់បន្ទាប់ពីការប្រកួតកាលពីថ្ងៃអង្គារជាមួយ Club Brugge ។
នៅក្នុងការប្រកួតដែលគាត់ស៊ុតបានពីរគ្រាប់ និង Messi ពីរគ្រាប់ទៀត Mbappe បាននិយាយទៅកាន់អ្នកសារពត៌មាន ក្រោយការប្រកួតដើម្បីអបអរសាទរ Leo សម្រាប់ស្នាដៃរបស់គាត់។
ប៉ុន្តែគាត់ក៏បាននិយាយមួយឃ្លាដែលប្រហែលជាបង្ហាញថាគាត់គិតថា Leo គឺល្អជាង Ronaldo ។ នេះជាអ្វីដែល Kylian បានប្រាប់សារព័ត៌មានក្រោយការប្រកួតថា៖ «វាងាយស្រួលលេងជាមួយ Lionel Messi គាត់ជាកីឡាករល្អបំផុតក្នុងពិភពលោក គាត់បានឈ្នះ Ballon d’Or ប៉ុន្មានថ្ងៃមុន គាត់ស៊ុតបានពីរគ្រាប់ថ្ងៃនេះ គាត់សប្បាយចិត្តហើយ ខ្ញុំសង្ឃឹមថាគាត់នឹងជួយយើងនាពេលអនាគត»៕
