លោក Edwin van der Sar បានបញ្ជាក់ថាគាត់ចង់ត្រលប់ទៅ Manchester United នៅពេលដែលកិច្ចសន្យារបស់គាត់ជាមួយ Ajax ផុតកំណត់។
គួររំលឹកថា អតីតអ្នកចាំទីរូបនេះ បានបម្រើការជាកីឡាករលេខ ១ របស់ United អស់រយៈពេល ៦ ឆ្នាំដោយបញ្ចប់អាជីពលេងរបស់គាត់នៅ Old Trafford ក្នុងឆ្នាំ ២០១១ ។
ចាប់តាំងពីពេលនោះមក គាត់បានកាន់មុខតំណែងជាច្រើននៅក្រុមប្រឹក្សាភិបាលនៅក្លឹប Ajax ហើយត្រូវបានតែងតាំងជា CEO ក្នុងឆ្នាំ ២០១៦ ។
Van der Sar ត្រូវបានផ្សារភ្ជាប់យ៉ាងខ្លាំងជាមួយនឹងការវិលត្រឡប់ទៅកាន់ Manchester នៅដើមឆ្នាំនេះ ក្នុងនាមជាអ្នកជំនួសតំណែង Ed Woodward ដែលគ្រោងនឹងចាកចេញពីតួនាទីរបស់គាត់ជាអនុប្រធានប្រតិបត្តិនៅចុងឆ្នាំនេះ។
បុរសសញ្ជាតិហូឡង់វ័យ ៥១ឆ្នាំរូបនេះ នៅសល់កុងត្រារយៈពេល ២ ឆ្នាំនៅកីឡដ្ឋាន Johan Cruyff ហើយបានទទូចថាគាត់នៅមានពេលច្រើនដើម្បីសម្រេចបាននៅ Ajax ។
យ៉ាងណាមិញ លោក Ralf Rangnick បានចូលកាន់តំណែងរហូតដល់ចុងបញ្ចប់នៃរដូវកាលនេះ ហើយនឹងបន្តនៅក្នុងតួនាទីប្រឹក្សារហូតដល់ឆ្នាំ ២០២៤៕
