ខ្សែបម្រើ Fred របស់ក្រុម Manchester United បានបង្ហាញអារម្មណ៍ថា “រំភើបរីករាយ” បន្ទាប់ពីស៊ុតបញ្ចូលទីជួយក្រុមឲ្យទទួលបានជ័យជម្នះ ១-០ លើក្រុម Crystal Palace កាលពីថ្ងៃអាទិត្យ។
Fred បាននិយាយទៅកាន់ Manchester Evening News អំពីសារៈសំខាន់នៃការឈ្នះការប្រកួតដំបូងរបស់ពួកគេក្រោមការដឹកនាំថ្មីរបស់លោក Rangnic ។ ខ្សែបម្រើ Manchester United បាននិយាយថា៖
«វាជាការល្អក្នុងការស៊ុតបញ្ចូលទីក្នុងការប្រកួត ប៉ុន្តែថ្ងៃនេះយើងឈ្នះមួយទល់នឹងសូន្យ ហើយគ្រាប់បាល់របស់ខ្ញុំគឺសំខាន់ណាស់។ ប៉ុន្តែអ្វីដែលសំខាន់បំផុតនោះគឺការឈ្នះរបស់ក្រុម ការបង្ហាញទម្រង់លេងរបស់យើងបានល្អណាស់ ដោយរក្សាបាន Clean Sheet ។ គ្រូបង្វឹកថ្មីមានសារៈសំខាន់ណាស់សម្រាប់យើង»។
Fred ក៏បានបង្ហាញពីក្តីសុខផ្លូវចិត្តរបស់គាត់ក្នុងការស៊ុតបញ្ចូលទីដោយជើងស្តាំរបស់គាត់ នៅចំពោះមុខហ្វូងមនុស្សក្នុងផ្ទះនៅ Old Trafford ។ «ខ្ញុំប្រើជើងឆ្វេង ប៉ុន្តែពេលខ្លះខ្ញុំព្យាយាមស៊ុតដោយជើងស្តាំរបស់ខ្ញុំ Mason បានផ្តល់បាល់ដ៏ល្អដល់ខ្ញុំ ហើយនៅក្នុងពេលនោះខ្ញុំបានប្រើជើងស្តាំរបស់ខ្ញុំដើម្បីបញ្ចប់ទី។ ខ្ញុំពិតជាមានមោទនៈភាព ហើយរីករាយណាស់ដែលបានស៊ុតបញ្ចូលទីនៅ Old Trafford នៅចំពោះមុខអ្នកគាំទ្ររបស់យើង»៕
សូមទស្សនាវីដេអូខាងក្រោម៖
