លោក Ralf Rangnick បានពន្យល់ពីមូលហេតុដែលគាត់មិនដាក់កីឡាករពីររូប សម្រាប់ការប្រកួត Manchester United ជាលើកដំបូងរបស់គាត់ដែលទទួលបន្ទុកគឺ Anthony Martial និង Jesse Lingard ដោយពួកគេបានរងបួស ក្នុងអំឡុងពេលហ្វឹកហាត់។
គួរបញ្ជាក់ថា គ្រូបង្វឹកសញ្ជាតិអាឡឺម៉ង់វ័យ ៦៣ឆ្នាំរូបនេះ ត្រូវបានតែងតាំងជាគ្រូបង្វឹកបណ្ដោះអាសន្នរបស់ Man Utd កាលពីថ្ងៃចន្ទ ហើយនឹងទទួលបន្ទុករហូតដល់ចុងបញ្ចប់នៃរដូវកាលនេះ បន្ទាប់មកគាត់នឹងផ្លាស់ទៅធ្វើជាទីប្រឹក្សានៅ Old Trafford រយៈពេលពីរឆ្នាំទៀត។
Rangnick បានចូលរួមជាមួយបិសាចក្រហមជាផ្លូវការនៅដើមសប្តាហ៍នេះ បន្ទាប់ពីគ្រូបង្វឹកចាំផ្ទះលោក Michael Carrick បានដឹកនាំការប្រកួតបី លើកមិនដែលចាញ់ និងការប្រកួតចុងក្រោយរបស់គាត់កាលពីយប់ថ្ងៃព្រហស្បតិ៍ក្នុងជ័យជម្នះ ៣-២ លើក្រុម Arsenal៕
