លោក Sir Alex Ferguson បានចាកចេញពី Old Trafford ក្នុងឆ្នាំ ២០១៣ ប៉ុន្តែអតីតអ្នកចាត់ការ Manchester United នៅតែជាប់ពាក់ព័ន្ធយ៉ាងខ្លាំង ជាមួយនឹងដំណើរការសម្រេចចិត្តរបស់ក្លឹប។ លោក Sir Alex Ferguson នៅតែជួយក្លឹបជាមួយនឹងការសម្រេចចិត្តធំៗ ហើយរឿងដដែលនេះបានកើតឡើងជាមួយលោក Ralf Rangnick ផងដែរ។ Sir Alex ត្រូវបានគេរាយការណ៍ថាបានផ្តល់ដំបូន្មានសំខាន់ៗមួយចំនួនដល់អ្នកចាត់ការបណ្តោះអាសន្នថ្មីសញ្ជាតិអាឡឺម៉ង់ ក្នុងការផ្ទេរកីឡាករបន្ទាប់ពីគាត់មកដឹកនាំ Man Utd ក្នុងសប្តាហ៍នេះ។
Rangnick ត្រូវបានតែងតាំងជាអ្នកចាត់ការបណ្តោះអាសន្នរហូតដល់ចប់រដូវកាល ។ យោងតាមរបាយការណ៍ អ្នកគ្រប់គ្រងថ្មីនេះ នឹងទទួលបានថវិកាសម្រាប់ការផ្ទេរគ្រប់គ្រាន់ ដើម្បីចំណាយក្នុងទីផ្សារដោះដូរកីឡាករខែមករា ដើម្បីពង្រឹងក្រុម។ អនុសាសន៍មួយដែលលេចធ្លោសម្រាប់ទម្រង់លេងរបស់ Ralf Rangnick គឺ John McGinn របស់ Aston Villa ។
McGinn បានទាក់ទាញចំណាប់អារម្មណ៍ក្នុងរយៈពេលប៉ុន្មានឆ្នាំចុងក្រោយនេះ ហើយសមត្ថភាពគ្រប់គ្រងបាល់របស់គាត់ និងភាពនឹងនរក្រោមសម្ពាធ គឺជាអ្វីមួយដែលនឹងទាក់ទាញចំណាប់អារម្មណ៍របស់លោក Rangnick ៕
