Joe Cole បានការពារអ្នកចាំទី Edouard Mendy របស់ Chelsea បន្ទាប់ពីក្រុមតោខៀវបានរងបរាជ័យក្នុងលទ្ធផល ៣-២ ក្រោមដៃក្រុម West Ham កាលពីថ្ងៃសៅរ៍។
Chelsea បានរងបរាជ័យជាលើកទីពីរក្នុងក្របខ័ណ្ឌ Premier League របស់ពួកគេសម្រាប់រដូវកាលនេះជាមួយនឹងក្រុម West Ham នៅ London Stadium។ Thiago Silva និង Mason Mount ជាអ្នករកគ្រាប់បាល់បានសម្រាប់ក្រុមតោខៀវ ប៉ុន្តែគ្រាប់បាល់របស់ Manuel Lanzini, Jarrod Bowen និង Arthur Masuaka បានធ្វើឱ្យក្រុម Hammers ទទួលបានជ័យជំនះ។
អ្នកចាំទី Edouard Mendy គឺជាប្រធានបទសំខាន់នៃការពិភាក្សាបន្ទាប់ពី Chelsea ចាញ់គូប្រជែងនៅទីក្រុងឡុងដ៍របស់ពួកគេ។ កីឡាករវ័យ ២៩ ឆ្នាំបានបង្ករកំហុសដែលបណ្តាលឲ្យកើតមានបាល់ពិន័យ ១១ម៉ែត្ររបស់ West Ham នៅនាទី ៨៧ នៃការប្រកួត។
អតីតកីឡាករអង់គ្លេសរូបនេះក៏បានពន្យល់ថា អ្នកចាំទីគឺជាមនុស្ស មិនមែនមនុស្សយន្តទេ។ Cole ត្រូវបានដកស្រង់សម្តីដោយ The Daily Mail៖ «Mendy មានកំហុសក្នុងការធ្វើឲ្យមានបាល់ប៉េណាល់ទី។ អ្នកមិនអាចបន្ទោសគាត់បានទេ។ គាត់ពូកែយូរមកហើយ»៕
