បរទេស៖ Barcelona កំពុងតែព្យាយាមបញ្ចុះបញ្ចូល Manchester City អោយលក់កីឡាករ Ferran Torres មកអោយខ្លួន ដោយក្នុងនោះ Barca ហ៊ានអោយកីឡាករម្នាក់ ក្នុងចំណោម ៤នាក់ ជាថ្នូរនឹងការដោះដូរនេះ។
សម្រាប់ក្លឹបនៅអង់គ្លេសមួយនេះ គឺបានទាមទារនៅទឹកប្រាក់រហូតដល់ទៅ ៧០លានយូរ៉ូ សម្រាប់ខ្សែប្រយុទ្ធខាងលើ ប៉ុន្តែ Barca ហ៊ានចំណាយយ៉ាងខ្ពស់ត្រឹម ៤៥លានយូរ៉ូប៉ុណ្ណោះ។
បើយោងតាមការផ្សាយរបស់សារព័ត៌មាន Marca បានអោយដឹងថា Barca រីករាយនឹងបន្ថែមកីឡាករម្នាក់ក្នុងចំណោម ៤នាក់ ពីលើទឹកប្រាក់ដែលបានផ្តល់ជូន។ ប៉ុន្តែកីឡាករទាំងនោះ មិនអាចជា Ansu Fati និង Pedri នោះទេ។ សម្រាប់កីឡាករទាំង ៤នាក់ដែលអោយជ្រើសរើសម្នាក់នោះរួមមាន Dembele, Samuel Umtiti, Philippe Countinho និង Clement Lenglet៕
