ខ្សែប្រយុទ្ធ Cristiano Ronaldo របស់ក្រុម Manchester United ត្រូវបានគេរាយការណ៍មកថា អាចនឹងខកខានការប្រកួតដំបូងរបស់លោក Ralf Rangnic ដែលជាអ្នកទទួលបន្ទុកថ្មី បន្ទាប់ពីបានយកឈ្នះលើក្រុម Arsenal។
ខ្សែប្រយុទ្ធរូបនេះបានស៊ុតបាល់បញ្ចូលទីពីរគ្រាប់ ខណៈដែល Manchester United បានទទួលជ័យជម្នះ ៣-២ លើក្រុម Arsenal នៅកីឡដ្ឋាន Old Trafford កាលពីថ្ងៃព្រហស្បតិ៍។ គាត់បានស៊ុតបាល់ប៉េណាល់ទីនៅនាទីទី ៧០ ដើម្បីផ្តល់ឱ្យបិសាចក្រហមទទួលបានបីពិន្ទុ។
ទោះបីជាយ៉ាងណាក៏ដោយ បើតាមការចុះផ្សាយរបស់ Daily Mail កីឡាករ Cristiano Ronaldo អាចនឹងរងរបួសជង្គង់បន្តិចបន្តួច ខណៈពេលកំពុងអបអរជ័យជំនះលើក្រុម Arsenal ។ ម្ចាស់ជ័យលាភី Ballon d’Or ប្រាំសម័យបានអបអរជ័យជំនះដោយប្រើស្ទីលពិសេសរបស់គាត់ នៅចំពោះមុខហ្វូងមនុស្សយ៉ាងច្រើននៅ Old Trafford ។
Ronaldo លេងបាន ៨៨ នាទីនៃការប្រកួត មុនពេលត្រូវបានប្តូរចេញជំនួស Anthony Martial ។ គេឃើញគាត់រត់ចូលទៅខាងក្នុងយ៉ាងលឿន ក្រោយពេលត្រូវបានប្តូរចេញ។
អវត្តមានរបស់ Cristiano Ronaldo អាចជាបញ្ហាធំមួយសម្រាប់ Manchester United និងលោក Ralf Rangnic ។ ទីបំផុតបិសាចក្រហម ទទួលបានទម្រង់លេងប្រសើរឡើងវិញ បន្ទាប់ពីការបណ្តេញលោក Ole Gunnar Solskjaer ។ Ronaldo ត្រូវបានគេរំពឹងថានឹងចូលរួមចំណែកយ៉ាងធំ ក្នុងការស្តារមុខមាត់ឡើងវិញរបស់ក្រុម ក្រោមការដឹកនាំរបស់លោក Rangnic។
ទោះជាយ៉ាងណាក៏ដោយ ការជំនួសកីឡាករវ័យ ៣៦ ឆ្នាំក៏អាចជាវិធានការប្រុងប្រយ័ត្នផងដែរ ដើម្បីជៀសវាងការរងរបួសធ្ងន់ធ្ងរណាមួយ ។
បញ្ជាក់ផងដែរថា Manchester United នឹងត្រូវប្រកួតជាមួយ Crystal Palace នៅ Old Trafford នៅថ្ងៃអាទិត្យ ដែលនឹងក្លាយជាការប្រកួតដំបូងរបស់ Rangnic ក្នុងនាមជាអ្នកទទួលបន្ទុកថ្មី។ អ្នកចាត់ការសញ្ជាតិអាឡឺម៉ង់មានវត្តមាននៅក្នុងកីឡាដ្ឋាន Old Trafford បានមើល Ronaldo ស៊ុតបញ្ចូលទីពីរដងដើម្បីយកឈ្នះលើក្រុម Arsenal ដោយជួយឲ្យ Manchester United ឈ្នះក្នុងផ្ទះជាលើកដំបូងចាប់តាំងពីខែកញ្ញា៕
សូមទស្សនាវីដេអូខាងក្រោម៖
