អ្នកចាំទី David De Gea បានជាប់ជាកីឡាករឆ្នើមប្រចាំខែរបស់ក្លិបបិសាចក្រហម Manchester United សម្រាប់ខែវិច្ឆិកា។ អ្នកចាំទីសញ្ជាតិអេស្ប៉ាញរូបនេះ បានយកឈ្នះលើកីឡាករពីររូបទៀត រួមមានខ្សែប្រយុទ្ធ Christiano Ronaldo និង Jadon Sacho តាមរយៈការបោះឆ្នោត។
ពិតណាស់ ខ្សែប្រយុទ្ធទាំងពីរក៏ធ្វើបានល្អណាស់ដែរ សម្រាប់ខែវិច្ឆិកា ដោយខ្សែប្រយុទ្ធចំណូលថ្មី Sancho រកបានពីរគ្រាប់ដំបូងរបស់ខ្លួន ក្នុងជំនួបទល់នឹងក្រុម Chelsea និង Villareal ។
ប៉ុន្ដែ De Gea ស័ក្ដិសមនឹងឈ្នះជាង ដោយសារតែគេ តែងតែបង្ហាញទម្រង់លេងល្អ ចាប់តាំងពីដើមរដូវកាលមកម្ល៉េះ។ តួយ៉ាង នៅក្នុងខែវិច្ឆិកា De Gea បានធ្វើការសង្គ្រោះបាល់ជាច្រើនយ៉ាងអស្ចារ្យ ពោលគឺក្នុងជំនួបចាញ់ក្រុម Manchester City តែម្ដង។
គួរបញ្ជាក់ថា វាមិនមែនជាការឈ្នះលើកដំបូងរបស់ De Gea ដោយគិតចាប់តាំងពីខែកុម្ភៈ ឆ្នាំ២០១៨៕
