នេះបើយោងតាមការចេញផ្សាយរបស់ GOAL Aisa នៅថ្ងៃទី១ ខែធ្នូ ឆ្នាំ២០២១នេះ អំពីកីឡាករ សៀង ចន្ធា ដោយបាននិយាយថា យុវជនអស្ចារ្យ, ម៉ាស៊ីនរកគ្រាប់បាល់ និងជាកីឡាករល្អគ្រប់ពេលវេលាសម្រាប់កម្ពុជានាពេលអនាគត ដែលទាំងអស់សុទ្ធតែជាពាក្យ ដែលអាចបញ្ជាក់អំពីសមត្ថិភាពរបស់កីឡាករ សៀង ចន្ធា បាន។
GOAL Aisa បានសរសេរថា៖ «ផ្អែកទៅលើអ្វីដែលអ្នកទាំងអស់គ្នាបានសួរមក? GOAL Asia បានចោទសួរទៅកីឡាករវ័យ ១៩ឆ្នាំរូបនេះ ថាអ្វីជាគោលដៅ និងមានសារសំខាន់បំផុតសម្រាប់គាត់? គាត់បានបញ្ជាក់ថា អារម្មណ៍ពេលដែលបាល់ចូលសំណាញ់ទី គឺវាពិសេសណាស់ ហើយក៏ជារបស់ដ៏ពិសេសបំផុតសម្រាប់គាត់។
គាត់បានចាប់ផ្តើមអាជីពដំបូង ក្នុងថ្នាល់យុវវជន របស់សាលាបាល់ទាត់ជាតិបាទី បន្ទាប់មកក៏បានទៅចូលរួមជាមួយនឹងក្លឹបបឹងកេត សម្រាប់ការប្រកួតលីគកម្ពុជា ២០២០។
គាត់បានបង្ហាញខ្លួនជាមួយនឹងក្រុមជម្រើសជាតិកម្ពុជាឈុតតូច ហើយការបង្ហាញខ្លួនលើកដំបូងរបស់គាត់នេះ គឺអាចរកគ្រាប់បាល់បានផងដែរ។
នៅពេលនេះ គាត់បានរៀបចំខ្លួនរួចរាល់សម្រាប់ការបង្ហាញខ្លួនក្នុងឈុតធំរបស់ក្រុមជម្រើសជាតិ ក្នុងការប្រកួត Tournament ដំបូងរបស់ខ្លួន។ ចន្ធា នឹងប្រើប្រាស់នៅសមត្ថិភាពរបស់ខ្លួនដែលមាន ដើម្បីជួយក្រុមអ្នកចំបាំងអង្គរ នៅខែធ្នូនេះ»៕
ប្រភព៖ GOAL Asia
