លោក Michael Owen បានទស្សន៍ទាយថាហង្សក្រហម Liverpool នឹងទទួលបានជ័យជំនះ នៅពេលពួកគេទៅលេង Goodison Park ដើម្បីជួបតទល់នឹងក្រុម Everton នៅយប់នេះ (ថ្ងៃទី ១ ខែធ្នូ)។
យោងតាម BetVictor បានឲ្យដឹងថា Owen បានទស្សន៍ទាយថាក្រុមរបស់លោក Jurgen Klopp នឹងទទួលបានជ័យជំនះក្នុងលទ្ធផល ២-១ លើក្រុមស្ករគ្រាប់ Everton។
អតីតខ្សែប្រយុទ្ធរបស់បិសាចក្រហមបាននិយាយថា៖ «ហង្សក្រហមមិនអាចបញ្ឈប់ការស៊ុតបញ្ចូលទីបានទេនៅពេលនេះ ហើយប្រសិនបើ Salah និង Mane ស្ថិតក្នុងអារម្មណ៍ល្អ ខ្ញុំគិតថាពួកគេនឹងដណ្តើមបានជ័យជម្នះមួយទៀត»។
អតីតខ្សែប្រយុទ្ធរូបនេះក៏បាននិយាយអំពីការតស៊ូរបស់ Liverpool ទល់នឹង Everton កាលពីរដូវកាលមុន។ ក្រុមរបស់លោក Jurgen Klopp អាចដណ្តើមបានតែមួយពិន្ទុប៉ុណ្ណោះពីការប្រកួតពីរលើកទល់នឹងក្រុម Toffees ក្នុងយុទ្ធនាការ ២០២០-២១៕
