ភ្នំពេញ៖ នៅថ្ងៃពុធ ១២ រោច ខែកត្តិក ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី០១ ខែធ្នូ ឆ្នាំ២០២១ នៅវេលាម៉ោង ១១និង២០ នាទីថ្ងៃត្រង់ មានករណីអគ្គីភ័យមួយកន្លែងបានកើតឡើងនៅភោជនីយដ្ឋាន នឹកភូមិ ស្ថិតផ្ទះលេខ ១២៨C តាមបណ្តោយផ្លូវព្រះសុធារស ភូមិ២ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដែលមានម្ចាស់ទីតាំងឈ្មោះ Yu Qin ភេទ ស្រី អាយុ ៣៦ ឆ្នាំ (ជនជាតិ ចិន) មុខរបរ ម្ចាស់ភោជនីយដ្ឋាន ។
ចំពោះមូលហេតុដែលបង្កអោយមានអគ្គិភ័យនោះ គឺបណ្តាលមកពីផ្ទុះធុងហ្គាស។ ដោយឡែកសម្ភារៈខូចខាតរួមមានឆេះសម្ភារប្រើប្រាស់ក្នុងកន្លែងចំអិនម្ហូបអស់បន្តិចបន្តួច និងពុំបណ្តាលឲ្យឆេះរាលដាលដល់ផ្ទះអ្នកជិតខាងឡើយ ។ គ្មានករណីស្លាប់មនុស្សនោះទេ ប៉ុន្តែមានអ្នករបួសស្រាលមនុស្សចំនួន ០២ នាក់ ដែលមានឈ្មោះដូចជាឈ្មោះ យឿន ពន្លក ភេទ ប្រុស អាយុ ២៤ ឆ្នាំ មុខរបរ បុគ្គលិកភោជនីយដ្ឋាន និងឈ្មោះ ស៊ឹម សុវណកណចាន់ណារិទ្ធ ភេទ ប្រុស អាយុ ២២ ឆ្នាំ មុខរបរ បុគ្គលិកភោជនីយដ្ខាន ។
នៅក្នុងប្រតិបត្តិការណ៍គឺបានប្រេីប្រាស់រថយន្តការិយាល័យអគ្គិភ័យចំនួន ០២ គ្រឿង ពុំបានប្រេីប្រាស់ទឹកឡើយ ។ ពន្លត់ចប់នៅវេលាម៉ោង ១១:៣៥ នាទីថ្ងៃត្រង់ ថ្ងៃខែឆ្នាំដដែល៕
ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ
