ខ្សែប្រយុទ្ធរបស់ Paris Saint-Germain សញ្ជាតិអាហ្សង់ទីន Lionel Messi បានឈ្នះពាន Ballon d’Or ជាពានកីឡាករល្អបំផុតប្រចាំឆ្នាំ ជាលើកទី៧។
កីឡាករវ័យ ៣៤ឆ្នាំរូបនេះ បានជួយឱ្យក្រុមជម្រើសជាតិរបស់ខ្លួន ឈ្នះពាន Copa America ដែលជាពានអន្ដរជាតិដំបូងរបស់ខ្លួន និងរកគ្រាប់បាល់ ៤០គ្រាប់ក្នុងឆ្នាំ២០២១ ពោលគឺ ២៨គ្រាប់សម្រាប់ Barcelona, ៤គ្រាប់សម្រាប់ Paris Saint-Germain និង ៨គ្រាប់សម្រាប់ក្រុមអាហ្សង់ទីន។
ពាន Ballon d’Or ត្រូវបានបោះឆ្នោតដោយអ្នកសារព័ត៌មាន ១៨០រូបទូទាំងពិភពលោក ប៉ុន្ដែមិនមានការបោះឆ្នោតក្នុងឆ្នាំ ២០២០ នោះទេ ដោយសារបញ្ហាកូវីដ១៩ មានការរាតត្បាត។
Messi ជាកីឡាករដែលឈ្នះពាននេះ ច្រើនជាងកីឡាករណាៗទាំងអស់គឺ៧លើក ក្នុងឆ្នាំ ២០០៩, ២០១០, ២០១១, ២០១២, ២០១៥ និង ២០១៩។
ខ្សែប្រយុទ្ធឆ្នើម Robert Lewandowski របស់ក្លិប Bayern Munich ស្ថិតនៅលេខរៀងទី២ តាមពីក្រោយដោយ ខ្សែបម្រើ Jorginho របស់ក្លិប Chelsea ខណៈកីឡាករបារាំង Karim Benzema និង N’Golo Kane ស្ថិតនៅលេខ ៤ និងលេខ៥។
ដោយឡែក Cristiano Ronaldo ដែលជាម្ចាស់ពាន Ballon d’Or ៥សម័យ ស្ថិតនៅចំណាត់ថ្នាក់លេខ៦ ដែលនេះជាលើកដំបូង ចាប់តាំងពីឆ្នាំ២០១០មក ដែលខ្សែប្រយុទ្ធព័រទុយហ្កាល់ ដែលស្ថិតនៅក្នុងចំណោម Top ៣៕
