កំពង់ឆ្នាំង៖ នៅថ្ងៃទី២៦ ខែវិច្ឆិកា ឆ្នាំ២០២១ វេលាម៉ោង ១១ និង ១០ នាទី កម្លាំងជំនាញរបស់ការិយាល័យសហការជាមួយកម្លាំងសមត្ថកិច្ចស្នងការដ្ឋាននគរបាលខេត្តកំពង់ឆ្នាំងស្រាវជ្រាវឃាត់ខ្លួនបានជនសង្ស័យចំនួន ០៣ នាក់នៅចំណុចកំពុងដរមុខប៉ុស្តិ៍នគរបាលរដ្ឋបាលពាមឆ្កោក ឃុំពាមឆ្កោក ស្រុកជលគីរី ខេត្តកំពង់ឆ្នាំង ពាក់ពន្ធ័បទល្មើស អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ព្រួតគ្នាវាយជនរងគ្រោះបណ្តាលឲ្យរងរបួសប្លន់យកម៉ូតូម៉ាកហុងដាស្កុបពី ពណ៌ ស សេរីឆ្នាំ២០១៣ លេខតួ លេខម៉ាស៊ីន ១០២០៨០ ពាក់ផ្លាក លេខភ្នំពេញ១F៥៦៥១ និងទូរសព្ទ័ដៃមួយគ្រឿងម៉ាកអាយហ្វូន៦ ពណ៌ទឹកប្រាក់ ) ប្រព្រឹត្តនៅចំណុចព្រៃត្រែង ក្បែរសួនសត្វសាហ្វារី ផ្លូវបេតុង ក្រុម១៧ ភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញកាលពីថ្ងៃទី២៥ ខែវិច្ឆិកា ឆ្នាំ២០២១ វេលាម៉ោង១៩ និង៣០នាទី និងចាប់យកម៉ូតូចំនួន ០១ គ្រឿង និងទូរសព្ទ័ដៃ០១គ្រឿងម៉ាកជារបស់ជនរងគ្រោះបញ្ជូនមកការិយាល័យដើម្បីចាត់ការតាមនីតិវិធី។
ជនសង្ស័យទាំង ៣នាក់រួមមានឈ្មោះ ញឹម សាវីន ភេទ ប្រុស អាយុ ២២ ឆ្នាំ ជនជាតិ ខ្មែរ មុខរបរ កម្មករសំណង់ស្នាក់នៅក្នុងការដ្ឋានសំណង់ពហុកីឡាដ្ឋានមរតកតេជោ ភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ, ឈ្មោះ ញឹម នៅ ភេទ ប្រុស អាយុ ២១ ឆ្នាំ ជនជាតិ ខ្មែរ មុខរបរ កម្មករសំណង់ ស្នាក់នៅក្នុងការដ្ឋានសំណង់ពហុកីឡាដ្ឋានមរតកតេជោ ភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ និងឈ្មោះ ថន ស៊ីថា ភេទ ប្រុស អាយុ ១៥ ឆ្នាំ ជនជាតិ ខ្មែរ មុខរបរ កម្មករសំណង់ ស្នាក់នៅក្នុងការដ្ឋានសំណង់ពហុកីឡាដ្ឋានមរតកតេជោ ភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។
ចំពោះភស្តុតាងចាប់យកបានមានម៉ូតូម៉ាកហុងដាស្កុបពី ពណ៌ ស សេរីឆ្នាំ២០១៣ លេខតួ លេខម៉ាស៊ីន១០២០៨០ គ្មាន ផ្លាកលេខ ចំនួន ០១ គ្រឿង ទូរសព្ទ័ដៃមួយគ្រឿងម៉ាកអាយហ្វូន៦ ពណ៌ទឹកប្រាក់ ចំនួន ០១ គ្រឿង។ ហើយជនរងគ្រោះ ឈ្មោះ ឆៃ គឹមលៀង ភេទ ប្រុស អាយុ ៣៣ ឆ្នាំ ជនជាតិ ខ្មែរ ស្នាក់នៅផ្ទះលេខ១៨អា ផ្លូវលេខ២៣៤ ភូមិសែនសុខ១ សង្កាត់ឃ្មួញ ខណ្ឌសែនសុខ រាជធានីភ្នំពេញ មុខរបរ នៅផ្ទះ។ ហើយម៉ូតូរបស់ជនរងគ្រោះម៉ាកហុងដាស្កុបពី ពណ៌ ស សេរីឆ្នាំ២០១៣ លេខតួ លេខម៉ាស៊ីន ១០២០៨០ ពាក់ផ្លាក លេខភ្នំពេញ១F៥៦៥១ ចំនួន ០១ គ្រឿង ទូរសព្ទ័ដៃម៉ាកអាយហ្វូន៦ ពណ៌ទឹកប្រាក់ ចំនួន ០១ គ្រឿង៕
ប្រភព៖ ស្នងការដ្ឋាននគរបាលរាជធានីភ្នំពេញ
