ក្រោមមេឃខៀវ Manchester City បានវាយបកយកឈ្នះក្រុមអ្នកមានបារាំង Paris Saint-Germain ក្នុងការប្រកួតវគ្គចែកពូល UEFA Champions League ឆ្លងទៅកាន់វគ្គ ១៦ក្រុមចុងក្រោយ ក្នុងនាមជាក្រុមកំពូលតារាង។
ក្រុមភ្ញៀវ PSG មានឱកាសរកគ្រាប់បាល់នាំមុខដោយខ្សែប្រយុទ្ធឆ្នើម Kylian Mbappe នៅនាទីទី៥០ ប៉ុន្ដែត្រូវបានវាយបកនាំមុខវិញដោយគ្រាប់បាល់របស់ Raheem Sterling និង Gabriel Jesus។
ទោះបីរបូតគ្រាប់បាល់មួយគ្រាប់មែន ប៉ុន្ដែ Man City បានរារាំងខ្សែប្រយុទ្ធឆ្នើមខាងលើទាំងបីរបស់ PSG រួមមាន Mbappe, Messi និង Neymar ដែលធ្វើឱ្យពួកគេធានាឈានទៅវគ្គ១៦ក្រុម ដោយមិនបារម្ភសម្រាប់ប្រកួតបន្ទាប់ ដោយធ្វើដំណើរទៅជួបជាមួយ RB Leipzig នោះទេ។
បច្ចុប្បន្ន Man City ឈរនៅកំពូលតារាងនៃពូល A មាន១២ពិន្ទុ ខណៈ PSG ដែលមាន៨ពិន្ទុក៏បានឆ្លងទៅវគ្គ១៦ក្រុមផងដែរ ដ្បិតពួកគេបរាជ័យក្នុងការប្រកួតនោះពិតមែន ហើយ RB Leipzig និង Club Bruges នៅសល់ឱកាសប្រជែងកៅអីលេងនៅ Europa League ដោយពួកគេមាន ៤ពិន្ទុដូចគ្នា៕
សូមទស្សនាវីដេអូខាងក្រោម៖
